உங்கள் மாவட்டத்தைத் தேர்வுசெய்க

    Asia Cup 2022: ٹیم انڈیا کو لگا بڑا جھٹکا، رویندر جڈیجہ ایشیا کپ سے باہر، اب اس کھلاڑی کو ملا موقع

    Asia Cup 2022: رویندر جڈیجہ ایشیا کپ سے باہر

    Asia Cup 2022: رویندر جڈیجہ ایشیا کپ سے باہر

    Asia Cup 2022: ٹیم انڈیا نے ٹی20 ایشیا کپ میں اب تک شاندار کارکردگی کا مظاہرہ کیا ہے۔ ٹیم مسلسل دو جیت کے ساتھ سپر-4 میں پہنچ گئی ہے۔ اس درمیان آل راونڈر رویندر جڈیجہ (Ravindra Jadeja) چوٹ کے سبب ٹورنا منٹ سے باہر ہوگئے ہیں۔

    • News18 Urdu
    • Last Updated :
    • Delhi, India
    • Share this:
      نئی دہلی: ٹیم انڈیا (Team India) کو بڑا جھٹکا لگا ہے۔ آل راونڈر رویندر جڈیجہ (Ravindra Jadeja) چوٹ کے سبب ٹی20 ایشیا کپ سے (Asia Cup 2022) باہر ہوگئے ہیں۔ رویندر جڈیجہ نے اب تک ٹورنا منٹ میں شاندار کارکردگی پیش کی ہے۔ پاکستان کے خلاف انہوں نے 35 رن بناکر ٹیم کو جیت دلانے میں اہم رول نبھایا تھا۔ ہانگ کانگ کے خلاف انہوں نے ایک رن آوٹ کے علاوہ ایک وکٹ بھی لیا تھا۔ ٹیم نے گروپ راونڈ کے اپنے دونوں مقابلے جیت لئے اور سپر-4 میں جگہ بنائی۔ رویندر جڈیجہ کی جگہ بائیں ہاتھ کے اسپنر اکشر پٹیل (Axar Patel) کو ٹیم میں شامل کیا گیا ہے۔

      بی سی سی آئی سکریٹری جے شاہ کی طرف سے جاری پریس ریلیز میں بتایا گیا، رویندر جڈیجہ کے داہنے گھٹنے میں چوٹ لگی ہے اور وہ ٹورنا منٹ سے باہر ہوگئے ہیں۔ وہ فی الحال بی سی سی آئی کی میڈیکل ٹیم کی نگرانی میں ہیں۔ جڈیجہ اس سے پہلے آئی پی ایل 2022 میں بھی چوٹ کے سبب پورے مقابلے نہیں کھیل سکے تھے۔ واضح رہے کہ تیز گیند باز جسپریت بمراہ اور ہرشل پٹیل بھی چوٹ کے سبب ٹورنا منٹ میں نہیں کھیل رہے ہیں۔



      بطور آل راونڈر ہیں اہم

      33 سال کے رویندر جڈیجہ بطور آل راونڈر ٹیم کے اہم کھلاڑیوں میں سے ایک ہیں۔ انہوں نے اب تک 64 ٹی20 انٹرنیشنل میچوں میں 457 رن بنائے ہیں۔ اسٹرائیک ریٹ 125 کا ہے۔ اس کے علاوہ اس بائیں ہاتھ کے اسپنر نے 28 کی اوسط سے 51 وکٹ بھی حاصل کئے ہیں۔ 15 رن دے کر تین وکٹ بہترین کارکردگی ہے۔ وہ اوور آل 292 ٹی20 میں 3169 رن بناچکے ہیں۔ دو نصف سنچری لگائی ہے۔ 194 وکٹ بھی حاصل کئے ہیں۔ 16 رن دے کر 5 وکٹ سب سے اچھی کارکردگی رہی ہے۔

      رویندر جڈیجہ کی جگہ بائیں ہاتھ کے اسپنر اکشر پٹیل کو ٹیم میں شامل کیا گیا ہے۔
      رویندر جڈیجہ کی جگہ بائیں ہاتھ کے اسپنر اکشر پٹیل کو ٹیم میں شامل کیا گیا ہے۔


      اکشر پٹیل بھی ہیں بہترین

      اکشر پٹیل اس سے پہلے اسٹینڈ بائے کے طور پر ٹیم میں شامل تھے۔ ان کا ریکارڈ بھی ٹی20 انٹرنیشنل میں بہترین ہے۔ وہ اب تک 25 میچ میں 21 وکٹ حاصل کرچکے ہیں۔ 9 رن دے کر 3 وکٹ بہترین کارکردگی ہے۔ 18 کی اوسط سے 147 رن بنائے ہیں۔ اسٹرائیک ریٹ 137 کا ہے۔ وہ اوور آل ٹی20 کے 191 میچ میں 161 وکٹ حاصل کرچکے ہیں۔ 2 ہزار کے قریب رن بھی بنائے ہیں۔

      ایشیا کپ کے لئے ہندوستانی ٹیم

      روہت شرما (کپتان)، کے ایل راہل (نائب کپتان)، وراٹ کوہلی، سوریہ کمار یادو، رشبھ پنت (وکٹ کیپر)، دیپک ہڈا، دنیش کارتک (وکٹ کیپر)، ہاردک پانڈیا، اکشر پٹیل، آر اشون، یجویندر چہل، روی بشنوئی، بھونیشور کمار، ارش دیپ سنگھ، اویش خان۔
      Published by:Nisar Ahmad
      First published: