உங்கள் மாவட்டத்தைத் தேர்வுசெய்க

    ASIA CUP 2022: بابر اعظم کے ‘تاج‘ کو خطرہ؟ سوریہ کمار اور رضوان T20I رینکنگ میں نکل سکتے ہیں آگے

    بابر اعظم کے ‘تاج‘ کو خطرہ؟ سوریہ کمار اور رضوان ٹی20 رینکنگ میں نکل سکتے ہیں آگے

    بابر اعظم کے ‘تاج‘ کو خطرہ؟ سوریہ کمار اور رضوان ٹی20 رینکنگ میں نکل سکتے ہیں آگے

    ICC T20I Rankings: محمد رضوان کے نمبر ایک رینکنگ کے بلے باز ہونے کا امکان ہے۔ ایشیا کپ 2022 کی شروعات میں یہ بابر اعظم بنام سوریہ کمار یادو کے درمیان ایک دوڑ تھی، لیکن دونوں کھلاڑی موجودہ ایشیا کپ میں اقتدار پر مہر نہیں لگا سکے ہیں۔ محمد رضوان کے اب بابر اعظم کو پیچھے چھوڑنے کا امکان ہے۔ انہوں نے مسلسل دو نصف سنچری بنائی ہیں اور ایشیا کپ میں سب سے زیادہ رن بنانے والے کھلاڑی ہیں۔

    • News18 Urdu
    • Last Updated :
    • Delhi, India
    • Share this:
      نئی دہلی: محمد رضوان، بابر اعظم اور سوریہ کمار یادو بدھ کو جاری ہونے والی تازہ ترین آئی سی سی مردوں کی ٹی20 بین الاقوامی بلے بازی رینکنگ میں سرفہرست مقام کے لئے لڑ رہے ہیں۔ اس وقت یہ ایشیائی عظیم کھلاڑی ابوظہبی میں ایشیا کپ 2022 میں کھیل رہے ہیں، لیکن بلے بازی رینکنگ میں بابر اعظم، سوریہ کمار یادو اور محمد رضوان کے درمیان ٹی20 انٹرنیشنل بلے بازی رینکنگ میں نمبر1 مقام کے لئے ایک قریبی جدوجہد چل رہا ہے۔

      ٹیم کے ساتھی محمد رضوان اور ہندوستان کے سوریہ کمار یادو کے دباو کے باوجود بابر اعظم گزشتہ ہفتے تک ٹاپ پر بنے رہے، لیکن بابر اعظم کے کم اسکور اور گزشتہ ہفتے محمد رضوان اور سوریہ کمار یادو کی نصف سنچری سے اس ہفتے رینکنگ میں ٹاپ پر پھیر بدل دیکھنے کو مل سکتا ہے۔ محمد رضوان ایشیا کپ میں اب تک 192 رن کے ساتھ سب سے زیادہ رن بنانے والے کھلاڑی ہیں، جس میں تین میچوں میں دو نصف سنچری شامل ہیں۔ پاکستان کے سلامی بلے باز نے ہانگ کانگ اور ہندوستان کے خلاف نصف سنچری لگائی۔ انہوں نے ٹورنا منٹ میں ہندوستان کے خلاف پہلے گیم میں 43 رن بھی بنائے تھے۔



      وہیں، دوسری طرف سوریہ کمار نے ایشیا کپ 2022 کے اپنے دوسرے میچ میں ہانگ کانگ کے خلاف 26 گیندوں میں ناٹ آوٹ 68 رنوں کی اننگ کھیلی۔ بابر اعظم نے اب تک تین میچوں میں 10, 9 اور 14 کے اسکور کے ساتھ ٹورنا منٹ میں شاندار کارکردگی پیش نہیں کی ہے۔ موجودہ میں بابر اعظم 810 ریٹنگ پوائنٹ کے ساتھ بلے بازی رینکنگ میں ٹاپ پر ہے۔ محمد رضوان 796 پوائنٹ کے ساتھ اور سوریہ کمار یادو 792 پوائنٹ کے ساتھ اس کے پیچھے پیچھے چل رہے ہیں۔

      یہ بھی پڑھیں۔

      ASIA CUP 2022: کرکٹ کی خاطر چھوڑی پڑھائی، تیز گیند باز سے بنا اسپنر، اب ہندوستان کو دیا گہرا زخم

      یہ بھی پڑھیں۔

      Asia Cup 2022: ارش دیپ کو ہدف بناکر ہندوستان میں فرقہ وارانہ تشدد شروع کرنا چاہتا تھا پاکستان
      یہ بھی پڑھیں۔

      Mushfiqur Rahim Retired: بنگلہ دیش کے اسٹار کرکٹر مشفق الرحیم نے ٹی20 انٹرنیشنل سے لیا ریٹائرمنٹ

      سوریہ کمار یادو ویسٹ انڈیز کے خلاف ہندوستان کے ونڈے میچوں کے دوران اول مقام حاصل کرنے کے قریب آگئے تھے۔ وہ 135 رنوں کے ساتھ سیریز کے دوران سب سے زیادہ رن بنانے والے کھلاڑی تھے، لیکن آخری میچ کے لئے انہیں آرام دینے کے فیصلے کا مطلب تھا کہ وہ بابر اعظم سے آگے نکلنے کا موقع چوک گئے۔

      پاکستان کے کپتان بابر اعظم 1,000 دنوں سے زیادہ وقت سے ٹاپ مقام پر قابض ہیں۔ اگر محمد رضوان نمبر ایک رینکنگ والے ٹی20 انٹرنیشنل بلے باز بن جاتے ہیں، تو بابراعظم اپنا مقام کھو دیں گے۔ سوریہ کمار نے ایشیا کپ کی تین اننگوں میں صرف نصف سنچری بنائی ہے۔ ان کے پاس آج سری لنکا کے خلاف بڑا اسکور کرنے کا سنہرا موقع ہے۔
      Published by:Nisar Ahmad
      First published: