بابر اعظم رقم کریں گے تاریخ، کئی ریکارڈس نشانہ پر، آملہ-کوہلی اور رچرڈس کی بادشاہت خطرے میں!

پاکستان کے دورے پر نیوزی لینڈ کی ٹیم آرہی ہے۔ اس دوران وہ 5 ٹی ٹوئنٹی انٹرنیشنل اور 5 ونڈے میچوں کی سیریز کھیلے گی۔ پہلے ٹی ٹوئنٹی سیریز کھیلی جائے گی۔ ٹی ٹوئنٹی سیریز کا پہلا میچ آج 14 اپریل کو ہونا ہے۔ وہیں، ٹی 20 سیریز کا آخری میچ 24 اپریل کو کھیلا جائے گا۔ وہیں، ونڈے سیریز کا آغاز 27 اپریل سے ہونا ہے۔ 7 مئی کو ونڈے سیریز کا آخری میچ کھیلا جائے گا۔  بتادیں کہ اسی سال ونڈے ورلڈ کپ ہونا ہے۔ ایسے میں نیوزی لینڈ کے خلاف یہ سیریز کافی اہم ہوگی۔

بابر اعظم ٹی ٹوئنٹی سیریز میں بنا سکتے ہیں یہ خصوصی ریکارڈ

5 میچوں کی ٹی ٹوئنٹی سیریز کے دوران بابر اعظم کئی ریکارڈ اپنے نام کر سکتے ہیں۔ اگر بابر ٹی ٹوئنٹی سیریز کے دوران 145 رنز بنانے میں کامیاب ہو گئے تو وہ ٹی ٹوئنٹی میں 3500 رنز بنانے والے پاکستان کے پہلے کرکٹر بن جائیں گے۔

یہ بھی پڑھیں:

IPL 2023 : شبھمن گل کی شاندار اننگز، گجرات نے پنجاب کو چھ وکٹوں سے ہرایا

کپتان کے طور پر تاریخ رقم کرسکتے ہیں بابر اعظم

کپتان کے طور پر بابر اعظم ٹی ٹوئنٹی انٹرنیشنل میں تاریخ رقم کرنے کے قریب ہیں۔ نیوزی لینڈ کے خلاف ٹی 20 سیریز میں 3 میچ جیتنے پر بابر ٹی ٹوئنٹی میں سب سے زیادہ میچ جینے والے کپتان بن جائیں گے۔ اس وقت یہ ریکارڈ انگلینڈ کے سابق کپتان ایان مورگن کے نام ہے۔ مورگن نے بطور کپتان 42 میچ میں انگلینڈ کو جیت دلائی تھی۔ وہیں، اصغر استنک زئی (افغانستان) نے بھی کپتان کے طور پر 42 ٹی ٹوئنٹی میچ جیتے ہیں۔

یہ بھی پڑھیں:

ادھار کے جوتے میں دیا ٹرائل، سات سمندر پار ہندوستانی نے دی پناہ، تب پاکستان کو ملا یہ طوفانی گیند باز

دوسرے نمبر پر دھونی ہیں جنہوں نے ٹی ٹوئنٹی انٹرنیشنل میں بطور کپتان 41 میچوں میں ہندوستان کو جیت دلانے کا کام کیا ہے۔ وہیں، فنچ نے بطور کپتان 76 میچوں میں آسٹریلیا کی کپتانی کی ہے جس میں آسٹریلیا نے 40 میچز جیتے ہیں۔ اس کے ساتھ ہی آسٹریلیا کی ٹیم کو 32 میچوں میں شکست ہوئی۔ بابر اعظم نے بطور کپتان ٹی ٹوئنٹی انٹرنیشنل میں 66 میچز کھیلے ہیں جس میں وہ 40 میچز میں پاکستان کو جتوانے میں کامیاب رہے ہیں۔ یعنی بحیثیت کپتان 3 میچ جیتنے کے بعد بابر ٹی ٹوئنٹی انٹرنیشنل میں بطور کپتان سب سے زیادہ میچ جیتنے والے کپتان بن جائیں گے۔