உங்கள் மாவட்டத்தைத் தேர்வுசெய்க

    زمبابوے کے تجربہ کار بلے باز برینڈن ٹیلر نے بین الاقوامی کرکٹ سے ریٹائرمنٹ کا اعلان کیا

    زمبابوے کے تجربہ کار بلے باز برینڈن ٹیلر نے بین الاقوامی کرکٹ سے ریٹائرمنٹ کا اعلان کیا

    زمبابوے کے تجربہ کار بلے باز برینڈن ٹیلر نے بین الاقوامی کرکٹ سے ریٹائرمنٹ کا اعلان کیا

    زمبابوے کے تجربہ کار وکٹ کیپر بلے باز برینڈن ٹیلر نے بین الاقوامی کرکٹ سے ریٹائرمنٹ کا اعلان کیا ہے۔ ٹیلر نے ایک ٹویٹ میں کہا،"میں آج بیلفاسٹ میں آئرلینڈ کے خلاف تیسرے اور آخری ون ڈے کے بعد آج بین الاقوامی کرکٹ سے ریٹائرمنٹ لے لوں گا۔ میرا دل یہ اعلان کرنے کے لیے بھاری ہے کہ کل میرے پیارے ملک کے لیے میرا آخری میچ ہوگا۔

    • UNI
    • Last Updated :
    • Share this:

      ہرارے: زمبابوے کے تجربہ کار وکٹ کیپر بلے باز برینڈن ٹیلر نے بین الاقوامی کرکٹ سے ریٹائرمنٹ کا اعلان کیا ہے۔ ٹیلر نے اتوار کے روز ایک ٹویٹ میں کہا،"میں آج بیلفاسٹ میں آئرلینڈ کے خلاف تیسرے اور آخری ون ڈے کے بعد آج بین الاقوامی کرکٹ سے ریٹائرمنٹ لے لوں گا۔ میرا دل یہ اعلان کرنے کے لیے بھاری ہے کہ کل میرے پیارے ملک کے لیے میرا آخری میچ ہوگا۔


      برینڈن ٹیلر کے 17 سال کے کیریئر میں کئی اتار چڑھاؤ آئے۔ یہاں بات ہمیشہ خود کو یاد دلانے کی ہے کہ جس پوزیشن میں تھا، وہاں میں کتناخوش قسمت تھا۔ فخر کے ساتھ گلفس پہننا اور میدان پر اپنی 100 فیصدی کارکردگی دکھانا ہمیشہ یاد رہے گا۔ میرا مقصد ہمیشہ ٹیم کو بہتر پوزیشن میں رکھنا تھا۔” 2004 میں بین الاقوامی سطح پر قدم رکھنے والے ٹیلر نے اپنے کیریئر میں اب تک 34 ٹیسٹ ، 204 ون ڈے اور 45 ٹی ٹوئنٹی کھیلے ہیں۔ وہ آج اپنے کیرئیر کا آخری بین الاقوامی میچ آئرلینڈ کے خلاف کھیلیں گے۔
      برینڈن ٹیلر کے پاس ون ڈے فارمیٹ میں زمبابوے کے ٹاپ اسکورر بننے کا موقع ہے۔ فی الحال وہ ون ڈے فارمیٹ میں رنز کے لحاظ سے ہم وطن عظیم بلے بازی اینڈی فلاور سے 109 رنز پیچھے ہیں۔ وہ پہلے ہی ون ڈے میں 11 سنچریاں بنا چکے ہیں ، جس کی وجہ سے وہ ون ڈے میں سب سے زیادہ سنچریاں بنانے والے ملک کے ٹاپ کھلاڑی ہیں۔ 34 ٹیسٹ میں 2320 رنز کے ساتھ ، وہ زمبابوے کے ٹیسٹ فارمیٹ میں چوتھے سب سے زیادہ رنز بنانے والے کھلاڑی ہیں ، جبکہ وہ ٹی 20 کرکٹ میں ہیملٹن ماساکاڈزا اور شان ولیمز کے بعد تیسرے نمبر پر ہیں۔
      واضح رہے کہ برینڈن ٹیلر 2015 آئی سی سی ورلڈ کپ میں زمبابوے کے سب سے زیادہ رنز بنانے والے کھلاڑی تھے۔ ان کا انگلینڈ کے ناٹنگھم شائر کاؤنٹی کلب سے معاہدہ بھی ہے۔ انہوں نے 2019 آئی سی سی ورلڈ کپ کوالیفائر کے لیے قومی ٹیم میں لوٹنے سے قبل تین سیزن تک ناٹنگھم شائر کے لیے کھیلے تھے۔

      Published by:Nisar Ahmad
      First published: