உங்கள் மாவட்டத்தைத் தேர்வுசெய்க

    AUS vs PAK : ٹیسٹ سیریز سے پہلے آسٹریلیائی کھلاڑی ناتھن لائن نے پاکستان کو دی وارننگ، کیا یہ بڑا دعوی

    AUS vs PAK : ٹیسٹ سیریز سے پہلے آسٹریلیائی کھلاڑی ناتھن لائن نے پاکستان کو دی وارننگ، کیا یہ بڑا دعوی (AFP)

    AUS vs PAK : ٹیسٹ سیریز سے پہلے آسٹریلیائی کھلاڑی ناتھن لائن نے پاکستان کو دی وارننگ، کیا یہ بڑا دعوی (AFP)

    Pakistan vs Australia First Test Match : آف اسپنر ناتھن لائن نے پاکستان کے خلاف چار مارچ سے راولپنڈی میں شروع ہورہی ٹیسٹ سیریز کو لے کر کہا کہ ان کا مائنڈسیٹ ہر وقت جیت کیلئے ہوتا ہے ۔

    • Share this:
      آسٹریلیا کی ٹیم 24 سال بعد پاکستان کے دورے پر ہے ۔ پچھلی مرتبہ آسٹریلیائی ٹیم نے اکتوبر 1998 میں پاکستان کا دورہ کیا تھا ۔ آسٹریلیائی ٹیم نے پاکستان کے خلاف اس وقت کھیلی گئی تین میچوں کی ٹیسٹ سیریز میں ایک صفر سے جیت حاصل کی تھی ۔ اس ٹیم کے سبھی کھلای پہلی مرتبہ پاکستان کا دورہ کررہے ہیں ۔ اس سے پہلے انہوں نے پاکستان کے خلاف یو اےا ی اور انگلینڈ میں ٹیسٹ سیریز کھیلی ہے ۔ آسٹریلیا کے آف اسپنر ناتھن لائن (Nathan Lyon) نے پہلے ٹیسٹ کی شروعات سے پہلے ایک بڑا بیان دیا ہے ۔

       

      یہ بھی پڑھیں : پاکستان اور آسٹریلیا سیریز کو ملا خاص نام، دونوں گیند بازوں نے جھٹکے 1900 وکٹ


      آف اسپنر ناتھن لائن نے پاکستان کے خلاف چار مارچ سے راولپنڈی میں شروع ہورہی ٹیسٹ سیریز کو لے کر کہا کہ ان کا مائنڈسیٹ ہر وقت جیت کیلئے ہوتا ہے ۔ لائن نے سیریز کی شروعات سے پہلے کہا کہ میری ذہنیت ہر اس مقابلے میں جس میں ہم اترتے ہیں ، اس میں جیت کی ہوتی ہے ، ہم جیتنا چاہتے ہیں ، ڈرا یا ہار نہیں ، میری ذہنیت پاکستان میں تین صفر سے جیتنے کی ہے ۔

       

      یہ بھی پڑھیں : آسٹریلیا کے خلاف میچ سے پہلے پاکستان کو لگا بڑا جھٹکا، PSL فائنل کھیلنے والا تیز گیند باز ہوا کورونا پازیٹیو


      بتادیں کہ پاکستان میں کرکٹ کی واپسی کی کارروائی طویل عرصہ سے جاری ہے ۔ پاکستان نے گھر میں پاکستان سپر لیگ کے علاوہ کوئی اور بڑا ایوینٹ ابھی تک ہوسٹ نہیں کیا ہے ۔ آسٹریلیا سیریز اس اعتبار سے پاکستان کیلئے کافی اہم مانی جارہی ہے ۔ ناتھن لائن نے پاکستان کے دورہ کو لے کر کہا کہ پاکستان کو کئی سالوں میں یہاں بہت زیادہ بین الاقوامی کرکٹ کھیلنے کا موقع نہیں ملا ہے ، ایسے میں یہاں کا دورہ کرنے والی آسٹریلیائی ٹیم کا رکن ہونا ایک فخر کا لمحہ ہے ۔

      بتادیں کہ پاکستان کو آسٹریلیا کے خلاف تین ٹیسٹ میچ ، تین ون ڈے میچ اور ایک ٹی ٹوینٹی میچ کھیلنا ہے ۔ پہلا ٹیسٹ میچ چار مارچ سے راولپنڈی میں شروع ہورہا ہے ۔ دوسرا ٹیسٹ 12 مارچ سے کراچی اور تیسرا ٹیسٹ 21 مارچ سے لاہور میں کھیلا جائے گا ۔
      Published by:Imtiyaz Saqibe
      First published: