نہیں سدھرا آسٹریلیا، میچ کے دوران کھلاڑی نے کی 'چیٹنگ'، کیمرہ میں قید ہوئی شرمناک حرکت، دیکھئے ویڈیو

نئی دہلی : آسٹریلیا کی ٹیم کو ورلڈ کرکٹ میں فیئر گیم یعنی ایمانداری سے کھیلنے کیلئے نہیں جانا جاتا ہے ۔ انگلینڈ کے خلاف اتوار کو کھیلے گئے تین میچوں کی ٹی ٹوینٹی سیریز کے پہلے میچ میں کچھ ایسا ہوا، جو کھیل جذبہ کے خلاف ہے ۔ آسٹریلیا کے بلے باز میتھیو ویڈ نے اپنا وکٹ بچانے کیلئے انگلینڈ کے گیند باز کو دھکا دیا اور یہ واقعہ کیمرے میں قید ہوگیا ۔ لائیو میچ کا یہ منظر سوشل میڈیا پر کافی تیزی سے وائرل ہورہا ہے ۔

 

یہ بھی پڑھئے: کوہلی اور روہت کے پیچھے ہاتھ دھوکر پڑے بابر اور رضوان، سب سے بڑا ریکارڈ خطرے میں

آسٹریلیا کے خلاف پہلے ٹی ٹوینٹی میچ میں انگلینڈ نے کپتان جو بٹلر اور الیکس ہیلس کی طوفانی اننگز کے دم پر 208 رنز کا بڑا اسکور کھڑا کیا ۔ ہدف کا تعاقب کرنے اتری میزبان ٹیم نو وکٹ کے نقصان پر 200 رنز ہی بنا سکی ۔ ڈیوڈ وارنر نے 73 رنز کی شاندار اننگز کھیلی، لیکن ٹیم کو جیت تک نہیں پہنچا سکے ۔

He's still playing btw pic.twitter.com/EhQLqYbIwn

— Jazib (@JazibChaudry) October 9, 2022

یہ بھی پڑھئے: پاکستان کے بابر اعظم کی بے مثال اننگز، وراٹ کوہلی اور روہت شرما کے ریکارڈ کی برابری کی

آسٹریلیا کے بلے باز میتھیو ویڈ نے مارک ووڈ کے اوور میں گیند کھیلنے کے بعد اپنا وکٹ بچانے کیلئے کچھ ایسا کیا، جس کی طرف تنقید ہورہی ہے ۔ شاٹ کھیلنے کے بعد گیند ہوا میں اوپر اٹھ گئی اور اس کو پکڑنے کیلئے فالو تھرو میں مارک ووڈ آگے بڑھے ۔ وید کو یہ نظر آگیا تھا کہ گیند نیچے آرہی ہے اور انہوں نے ووڈ کو جان بوجھ کر دھکا دیتے ہوئے پیچھے کردیا ۔ کمال کی بات یہ ہے کہ انگلینڈ کے کپتان جوس بٹلر وکٹ کیپنگ کررہے تھے اور انہوں نے اس پر اپنا رد عمل بھی ظاہر کیا ۔

آئی سی سی کے قوانین کے مطابق کوئی بھی بلے باز گیند کو چھو نہیں سکتا اور نہ ہی وہ گیند پکڑنے سے کسی کھلاڑی کو روک سکتا ہے ۔ اس کو Obstructing the field یعنی فیلڈنگ میں رخنہ ڈالنے کیلئے آوٹ قرار دیا جاسکتا ہے ۔ انگلینڈ کی ٹیم کے کپتان نے اگر اس کی مانگ کی ہوتی تو تھرڈ امپائر ویڈیو دیکھنے کے بعد بلے باز کو غلط پائے جانے پر آوٹ کا فیصلہ دے سکتے تھے ۔