ورلڈ ٹیسٹ چیمپئن شپ فائنل سے پہلے بی سی سی آئی کا بڑا اعلان، اس شخص کو دی گئی بڑی ذمہ داری

نئی دہلی : ہندوستانی کرکٹ ٹیم لگاتار دوسری مرتبہ ورلڈ ٹیسٹ چیمپئن شپ کا فائنل کھیلنے کے لئے تیار ہے۔ ٹیم انڈیا اس مرتبہ چیمپئن بننے میں کوئی کسر نہیں چھوڑنا چاہتی ہے ۔ فائنل میں ہندوستان اور آسٹریلیا کی ٹیمیں 7 جون سے اوول میں آمنے سامنے ہوں گی۔ تاہم اس میچ سے قبل ہندوستانی کرکٹ بورڈ (بی سی سی آئی) نے بڑا اعلان کیا ہے۔ بورڈ نے ٹیم انڈیا کے لئے ایک مینیجر کا تقرر کیا ہے، جس کی کامیابی کی شرح 100 فیصد ہے۔

بی سی سی آئی نے انل پٹیل کو ڈبلیو ٹی سی فائنل 2023 کے لئے ٹیم انڈیا کا منیجر مقرر کیا ہے۔ انل پٹیل گجرات کرکٹ ایسوسی ایشن کے سکریٹری ہیں۔ وہ اس سے پہلے ٹیم انڈیا کے منیجر بھی رہ چکے ہیں۔ پٹیل سال 2017، 2018 اور 2019 میں ہندوستانی ٹیم کے منیجر رہ چکے ہیں۔ ٹیم انڈیا نے 9 سیریز کھیلی جب انل پٹیل منیجر کے عہدے پر تھے اور ہندوستانی ٹیم انڈیا نے سبھی میں جیت حاصل کی۔ مطلب پٹیل کی کامیابی کی شرح 100 فیصد ہے۔

ٹیم انڈیا میں شامل سبھی کھلاڑی 29 مئی تک انگلینڈ پہنچ جائیں گے۔ اس وقت ہندوستانی کھلاڑی آئی پی ایل میں کھیل رہے ہیں۔ ہندوستان نے 18 میچز کھیلنے کے بعد فائنل کے لئے کوالیفائی کیا ہے۔ اس دوران ٹیم انڈیا نے 10 ٹیسٹ جیتے ہیں۔ انہیں 5 میں شکست ہوئی جبکہ 3 ٹیسٹ ڈرا ہوئے۔ ہندوستانی ٹیم کو پچھلی مرتبہ فائنل میں نیوزی لینڈ سے شکست کا سامنا کرنا پڑا تھا۔ اس مرتبہ ٹیم انڈیا پرانی غلطیوں کو دہرانا پسند نہیں کرے گی۔

یہ بھی پڑھئے:  شبھمن گل کی سنچری پڑی بھونیشور کے 'پنجہ' پر بھاری، حیدرآباد کو ہراکر پلے آف میں پہنچا گجرات

یہ بھی پڑھئے: عمران ملک کو پلیئنگ الیون میں کیوں نہیں مل رہا موقع؟ اٹھے سوال....ہیڈ کوچ نے توڑی خاموشی

ڈبلیو ٹی سی فائنل کیلئے ہندوستانی اسکواڈ:

وراٹ کوہلی، روہت شرما (کپتان) شبھمن گل، چیتیشور پجارا، اجنکیا رہانے، کے ایس بھرت (وکٹ کیپر)، ایشان کشن (وکٹ کیپر)، روی چندرن اشون، رویندر جڈیجہ، اکشر پٹیل، شاردل ٹھاکر، محمد سمیع، امیش یادو، جے دیو انادکٹ، محمد سراج۔

ریزرو کھلاڑی: ربتوراج گائیکواڑ، مکیش کمار، سوریہ کمار یادو۔