ہوم » نیوز » اسپورٹس

آٹا چاول بیچنے والے اس کھلاڑی نے آسٹریلیا میں مچایا دھمال ، اب پاکستان نے ٹیم میں کیا شامل ! ۔

پاکستان کے سلیکٹر مصباح الحق نے تجربہ کار گیند باز وہاب ریاض اور محمد عامر کو ٹی 20 ٹیم سے باہر کردیا ہے ۔ یہ دونوں ہی کھلاڑی بنگلہ دیش پریمیئر لیگ میں کھیل رہے ہیں۔

  • Share this:
آٹا چاول بیچنے والے اس کھلاڑی نے آسٹریلیا میں مچایا دھمال ، اب پاکستان نے ٹیم میں کیا شامل ! ۔
پاکستان کے سلیکٹر مصباح الحق نے تجربہ کار گیند باز وہاب ریاض اور محمد عامر کو ٹی 20 ٹیم سے باہر کردیا ہے ۔ یہ دونوں ہی کھلاڑی بنگلہ دیش پریمیئر لیگ میں کھیل رہے ہیں۔

کہتے ہیں کہ اگر آپ کے اندر ہنر ہے تو آپ کو آگے بڑھنے سے کوئی نہیں روک سکتا ۔ کچھ ایسا ہی تیز گیند باز حارث روف کے ساتھ ہوا ، جو کل تک کنبہ کی پرورش کرنے کیلئے آٹا چاول بیچتے تھے ، ایک راشن کی دکان میں کام کرتے تھے ، لیکن آج ان کا نام پاکستان کی ٹی 20 ٹیم میں آیا ہے ۔ 24 جنوری سے لاہور میں بنگلہ دیش کے خلاف شروع ہورہی تین ٹی 20 میچوں کی سیریز کیلئے پاکستانی ٹیم کا اعلان کیا گیا ہے ، جس میں حارث روف کو بھی جگہ ملی ہے ۔ ساتھ ہی محمد حفیظ اور شعیب ملک کی ٹی 20 ٹیم میں واپسی بھی ہوئی ہے ۔


بڑی خبر یہ ہے کہ پاکستان کے سلیکٹر مصباح الحق نے تجربہ کار گیند باز وہاب ریاض اور محمد عامر کو ٹی 20 ٹیم سے باہر کردیا ہے ۔ یہ دونوں ہی کھلاڑی بنگلہ دیش پریمیئر لیگ میں کھیل رہے ہیں ، جہاں ان کی کارکردگی قابل تعریف ہے ، لیکن اس کے باوجود انہیں ٹی 20 ٹیم میں جگہ نہیں ملی ہے ۔


 


حارث روف نے بگ بیش میں ہیٹ ٹرک بھی لی ۔
حارث روف نے بگ بیش میں ہیٹ ٹرک بھی لی ۔


بتادیں کہ حارث روف کو بگ بیش لیگ میں ڈیل اسٹین کے زخمی ہوجانے کی وجہ سے جگہ ملی تھی ، لیکن انہوں نے اس موقع کا بھرپور فائدہ اٹھایا ۔ بگ بیش لیگ کے اس سیزن میں وہ سب سے زیادہ وکٹ لینے کے معاملہ میں دوسرے نمبر پر ہیں ۔ حارث روف نے صرف سات میچوں میں 16 وکٹ لئے ہیں اور ان کے رن دینے کی شرح بھی سات سے کم ہے ۔ ملبورن اسٹارس کیلئے کھیل رہے حارث روف نے سڈنی تھنڈر کے خلاف ہیٹ ٹرک بھی لی تھی ۔ حارث روف نے ہیبارٹ ہیریکینس کے خلاف پانچ وکٹ لینے کا کارنامہ بھی انجام دیا تھا ۔

تیز گیند باز حارث روف ۔ فائل فوٹو ۔
تیز گیند باز حارث روف ۔ فائل فوٹو ۔


حارث روف کی کہانی کسی فلمی اسکرپٹ کی طرح ہی ہے ۔ کرکٹ کھیلنے سے پہلے وہ ایک دکان میں کام کرتے تھے ، اس کے بعد ایک ٹیلنٹ ہنٹ پروگرام کے تحت انہیں پاکستان سپر لیگ کی ٹیم لاہور قلندرس نے اپنی ٹیم میں شامل کیا ۔ بتادیں کہ حارث روف کے والد نہیں چاہتے تھے کہ وہ کرکٹر بنیں ، وہ چاہتے تھے کہ ان کا بیٹا پڑھائی کرکے اچھی نوکری کرے ، لیکن حارث کا ذہن پڑھائی میں نہیں لگتا تھا اور وہ ٹیپ بال کرکٹ کھیلتے تھے ۔

یہ بھی پڑھیں
بڑی خبر ! مہندر سنگھ دھونی کو پھر ملے گا بی سی سی آئی کنٹریکٹ ، مگر پوری کرنی ہوگی یہ شرط
مسلسل فون کرکے پریشان کررہی تھی بالی ووڈ کی یہ بڑی اداکارہ ، کرکٹر ریشبھ پنت نے کردیا بلاک
First published: Jan 16, 2020 09:29 PM IST