ہوم » نیوز » اسپورٹس

ہندوستان کو ہرانے والے پاکستانی کھلاڑی کی لائیو میچ میں بے عزتی ، مانگے گئے 20 روپے کے پکوڑے !۔

ورلڈ کپ کے پہلے میچ میں ویسٹ انڈیز کے خلاف شرمناک ہار کے بعد پاکستانی کھلاڑیوں پر چوطرفہ تنقید ہورہی ہے ۔

  • Share this:
ہندوستان کو ہرانے والے پاکستانی کھلاڑی کی لائیو میچ میں بے عزتی ، مانگے گئے 20 روپے کے پکوڑے !۔
ہندوستان کو ہرانے والے پاکستانی کھلاڑی کی لائیو میچ میں بے عزتی

پاکستان کے کھلاڑی ان دنوں سابق کرکٹرس اور مداحوں کے نشانے پر ہیں ۔ ورلڈ کپ کے پہلے میچ میں ویسٹ انڈیز کے خلاف شرمناک ہار کے بعد پاکستانی کھلاڑیوں پر چوطرفہ تنقید ہورہی ہے ۔ پاکستان کے سلامی بلے باز فخر زمان کو تو فینس نے لائیو میچ میں ہی ٹرول کرڈالا ۔ ویسٹ انڈیز کے خلاف مقابلے میں فیلڈنگ کررہے فخر زمان کو اسٹیڈیم میں موجود فینس نے پکوڑے لانے کیلئے کہہ دیا ۔ یہ ویڈیو سوشل میڈیا پر کافی وائرل ہورہی ہے۔

ویسٹ انڈیز کے خلاف فخر زمان فیلڈنگ کررہے تھے ، جس کے بعد فینس نے ان کا نام بلند آواز سے پکارا ۔ فخر نے پیچھے دیکھا تو فینس نے انہیں 20 روپے کے پکوڑے لانے کیلئے کہا ۔ مداحوں کی اس بات پر فخر زمان نے ہاتھ ہلایا اور سبھی لوگ ہنسنے لگے۔



خیال رہے کہ ویسٹ انڈیز کے خلاف پہلا میچ گنوانے والی پاکستانی ٹیم کا اگلا میچ انگلینڈ کے خلاف ہے۔ یہ میچ پیر کو نوٹنگھم کے ٹرینٹ برج میں کھیلا جائے گا ۔ اسی میدان پر پاکستان کو ویسٹ انڈیز کے خلاف سات وکٹوں سے شکست ملی تھی ۔ اس میچ میں پاکستانی ٹیم صرف 105 رن بناکر آل آوٹ ہوگئی تھی جبکہ یہ میدان بلے بازوں کیلئے جنت مانا جاتا ہے۔ گزشتہ سال انگلینڈ نے اسی میدان پر چھ وکٹ پر 481 رن بناکر ورلڈ ریکارڈ بنایا تھا۔
First published: Jun 02, 2019 10:47 PM IST
corona virus btn
corona virus btn
Loading