روایتی حریفوں کے درمیان میچ سے پہلے پاکستان کی جرسی پر نظر آیا وراٹ کوہلی کا نام ، وائرل ہوئی تصویر

ہندوستان کرکٹ اسٹار وراٹ کوہلی نے کرکٹ میں اپنے بلے سے ریکارڈوں کا جو انبار لگایا ہے ، اس کے بعد انہوں نے دنیا بھر میں اپنے فینس بنا لئے ہیں ۔ ہندوستانی کپتان کی بلے بازی کے دیوانے نہ صرف ہندوستان میں ہی ہیں بلکہ سرحد پار پاکستان میں بھی ہیں ۔ پاکستان میں کوہلی کو لے کر کس طرح کی دیوانگی ہے ، اس کا اندازہ سوشل میڈیا پر وائرل ہورہی ایک تصویر سے بخوبی لگایا جاسکتا ہے ۔

ٹویٹر پر کوہلی کے ایک پاکستانی فین کی تصویر کافی وائرل ہورہی ہے ۔ اس تصویر میں یہ فین روڈ پر کوہلی کی 18 نمبر کی جرسی پہن کر بائیک چلاتا نظر آرہا ہے ۔ حالانکہ جرسی کا رنگ نیلا نہیں بلکہ ہرا ہے ۔ آپ کو بتادیں کہ پاکستان کی جرسی کا رنگ ہرا ہے ۔ وراٹ کوہلی اس وقت ون ڈے میں نمبر ون کرکٹر ہیں اور وہیں وہ ریکارڈوں کے معاملہ میں کئی لیجنڈوں کو پیچھے چھوڑ چکے ہیں ۔

وراٹ کوہلی کی کپتانی میں ہی ہندوستانی ٹیم 16 جون کو پاکستان کا سامنے کرے گی ۔ یہ مقابلہ مانچسٹر کے ایمیریٹس اولڈ ٹریفرڈ میں کھلا جارہا ہے ۔ ہندوستان اور پاکستان کے درمیان ورلڈ کپ میں ہونے والے مقابلے کی چرچا کئی مہینوں پہلے سے ہی شروع ہوگئی تھی ۔ 14 فروری 2019 کو پلوامہ میں ہوئے حملہ کے بعد اس مقابلہ کی چرچا مزید تیز ہوگئی تھی ۔

یہی نہیں دونوں روایتی حریفوں کے درمیان مقابلہ کیلئے فینس میں بھی زبردست جوش ہے ۔ اس جوش کا ہی نتیجہ ہے کہ میچ کے ٹکٹ ہاتھوں ہاتھ فروخت ہوگئے ۔ کرکٹ لنکاشائر کے مطابق اس میچ کے ٹکٹوں کی شروع سے ہی زبردست مانگ تھی اور آن لائن بکری شروع ہونے کے 48 گھنٹوں کے اندر ہی اس کے پورے ٹکٹ فروخت ہوگئے ۔