உங்கள் மாவட்டத்தைத் தேர்வுசெய்க

    Women’s World Cup: پاکستان کی کپتان بسمہ معروف نے اپنی بیٹی کے ساتھ کچھ اس انداز میں منایا جیت کا جشن، دیکھئے وائرل ویڈیو

    Women’s World Cup: پاکستان کی کپتان بسمہ معروف نے اپنی بیٹی کے ساتھ کچھ اس انداز میں جیت منایا جشن، دیکھئے وائرل ویڈیو (PIC-Screengrab)

    Women’s World Cup: پاکستان کی کپتان بسمہ معروف نے اپنی بیٹی کے ساتھ کچھ اس انداز میں جیت منایا جشن، دیکھئے وائرل ویڈیو (PIC-Screengrab)

    پاکستان کی خاتون کرکٹ ٹیم (Pakistan Women’s National Cricket Team) کو نیوزی لینڈ میں جاری ورلڈ کپ 2022 (ICC Women’s World Cup) میں آخر کار جیت مل گئی ہے ۔ بسمہ معروف کی کپتانی والی پاکستانی ٹیم کو موجودہ ورلڈ کپ میں لگاتار چار شکستوں کے بعد پہلی جیت نصیب ہوئی ہے ۔

    • Share this:
      نئی دہلی : پاکستان کی خاتون کرکٹ ٹیم  (Pakistan Women’s National Cricket Team)  کو نیوزی لینڈ میں جاری ورلڈ کپ 2022 (ICC Women’s World Cup) میں آخر کار جیت مل گئی ہے ۔ بسمہ معروف کی کپتانی والی پاکستانی ٹیم کو موجودہ ورلڈ کپ میں لگاتار چار شکستوں کے بعد پہلی جیت نصیب ہوئی ہے ۔ اوور آل کی بات کریں تو آئی سی سی خاتون ورلڈ کپ میں پاکستانی ٹیم کی لگاتار 18 ہار کے بعد یہ پہلی جیت ہے ۔

       

      یہ بھی پڑھئے :  چھ مہینے کی بیٹی کو گود میں اٹھائے اسٹیڈیم پہنچی پاکستانی کپتان... لوگوں نے یوں کیا سلام


      پاکستان نے تجربہ کار آف اسپنر ندا ڈار کی شاندار گیند بازی اور سلامی بلے باز منیبہ علی کی چھوٹی لیکن کارآمد اننگز کے دم پر ویسٹ انڈیز  (Pakitan vs West Indies)  کو خراب موسم سے متاثرہ میچ میں آٹھ وکٹوں سے ہرادیا ۔ جیت کی خوشی کپتان بسمہ معروف کے چہرے پر صاف دکھائی دے رہی تھی ۔ بسمہ نے جیت کا جشن اپنی سات مہینے کی بیٹی فاطمہ کو ہوا میں اچھال کر منایا ۔

       

      یہ بھی پڑھئے : میچ سے پہلے ٹوائلیٹ میں پھنس گئی آسٹریلیا کی یہ مشہور کرکٹر، سنائی آب بیتی


      بارش اور آوٹ فیلڈ میں نمی ہونے کی وجہ سے یہ میچ 20 ۔ 20 اوورس کا کردیا گیا تھا ۔ ٹاس جیت کر پاکستان نے ویسٹ انڈیز کو پہلے بلے بازی کیلئے مدعو کیا ۔ ویسٹ اندیز کی ٹیم سات وکٹ پر 89 رن ہی بناسکی ۔ پاکستان نے سات گیند باقی رہتے ہوئے دو وکٹ پر اس میچ کو جیت لیا ۔ اس کے ساتھ ہی پاکستانی ٹیم پوائنٹس ٹیبل اپنا کھاتہ کھولنے میں بھی کامیاب رہی ۔ پاکستان کی یہ خاتون ورلڈ  کپ میں 2009 کے بعد پہلی جیت ہے ۔



       




      View this post on Instagram





       

      A post shared by ICC (@icc)





      آئی سی سی نے اپنے آفیشیل انسٹاگرام پیج پر ایک ویڈیو شیئر کیا ہے ، جس میں بسمہ میچ جیتنے کے بعد بیٹی فاطمہ کو ہوا میں اچھال کر انہیں پیار کرتی نظر آرہی ہیں ۔ سوشل میڈیا پر ماں بیٹی کا یہ پیارا ویڈیو کافی پسند کیا جارہا ہے ۔ فینس بسمہ کی تعریف میں الگ الگ کمنٹ کررہے ہیں ۔

      خیال رہے کہ بسمہ وہی کھلاڑی ہیں ، جنہوں نے حمل کے دوران کرکٹ سے ریٹائرمنٹ کا ارادہ کرلیا تھا ۔ تاہم شوہر کے ساتھ اور پاکستان کرکٹ بورڈ کی وجہ سے انہیں بعد میں ریٹائرمنٹ کا اپنا فیصلہ تبدیل کرنا پڑا ۔
      Published by:Imtiyaz Saqibe
      First published: