شعیب اختر نے کہا : محمد عامر کو پاکستان کیلئے ضرور کھیلنا چاہئے ورلڈ کپ ، دی یہ جذباتی دلیل

پاکستان کے سابق اسٹار اور راولپنڈی ایکسپریس نام سے معروف شعیب اختر نے ورلڈ کپ کے لئے پاکستانی ٹیم کے انتخاب پر کہا ہے کہ محمد عامر کو ورلڈ کپ ضرور کھیلنا چاہئے۔ ایک ویڈیو پیغام میں شعیب اختر نے کہا کہ عامر پر ملک و قوم کا قرض ہے کیونکہ عامر کو واپس لانے کے لئے سب نے بڑی کوشش کی ہے اس لئے پاکستان کے لئے کھیلنے پر اسے زور لگانا چاہئے۔

یاد رہے کہ 18اپریل کو لاہور میں پریس کانفرنس کرتے ہوئے چیف سلیکٹر انضمام الحق نے ورلڈکپ 2019 کے لیے ٹیم کا اعلان کیا تھا جس میں عامر کو شامل نہیں کیا گیا تھا ۔

Pakistan’s cricket team for World Cup 2019 has been announced and @iamamirofficial is not on the team. Here is what I think about this decision!

Link: https://t.co/1REojvMZcb

— Shoaib Akhtar (@shoaib100mph) April 20, 2019

تاہم محمد عامر اور آصف علی کو دورہ انگلینڈ کے لیے ٹیم کا حصہ بنایا گیا ہے اور پاکستا کے پاس 22مئی تک موقع ہے جو عالمی کپ ٹیم میں تبدیلی کرسکتا ہے اور ان دونوں کھلاڑیوں کو کارکردگی کی بنیاد پر ورلڈکپ ٹیم میں شامل کیا جاسکتا ہے۔