19 اننگز ... 1000 رنز .... شبھمن گل نے رقم کی تاریخ، وراٹ کوہلی اور شیکھر دھون کا ریکارڈ ٹوٹا

نئی دہلی : ہندوستانی کرکٹ ٹیم کے نوجوان سلامی بلے باز شبھمن گل نے نیوزی لینڈ کے خلاف پہلے ون ڈے میں تاریخ رقم کردی ہے۔ گل ون ڈے کرکٹ میں تیز ترین 1000 رنز بنانے والے ہندوستانی بلے باز بن گئے ہیں۔ اس دوران انہوں نے وراٹ کوہلی اور شیکھر دھون کا ریکارڈ توڑ دیا۔ گل نے ون ڈے کیریئر کی تیسری سنچری 87 گیندوں پر بنائی۔ انہوں نے اپنی اننگز میں 14 چوکے اور 2 چھکے لگائے۔

شبھمن گل کو 1000 رنز بنانے کے لئے 19 اننگز کا سہارا لینا پڑا۔ اس سے پہلے ہندوستان کی جانب سے وراٹ کوہلی اور شیکھر دھون نے برابر 24-24 اننگز میں یہ کارنامہ انجام دیا تھا۔ اوور آل کی جائے تو فخر زمان کے بعد شبھمن گل تیز ترین ایک ہزار رنز مکمل کرنے والے دنیا کے دوسرے بلے باز بن گئے۔ پاکستان کے سلامی بلے باز فخر زمان نے 18 ون ڈے اننگز میں یہ کارنامہ انجام دیا ہے۔

یہ ایک روزہ بین الاقوامی کرکٹ میں شبھمن گل کی لگاتار دوسری سنچری ہے۔ اس سے پہلے انہوں نے سری لنکا کے خلاف تین میچوں کی سیریز کے تیسرے اور آخری ون ڈے میں سنچری بنائی تھی۔

یہ بھی پڑھئے: سچن تیندولکر کے دو ساتھیوں نے ایک ہی دن کی شادی، کافی دلچسپ ہے دونوں کی لو اسٹوری

یہ بھی پڑھئے: ہندوستان کے نمبر ون بلے باز نے دوست سے کرائی بہن کی شادی، بہنوئی اور سالا کپتان بھی بنے

وہیں میچ کی بات کریں تو گل نے کپتان روہت شرما کے ساتھ پہلی وکٹ کے لیے 60 رنز کی شراکت داری کی۔ سوریہ کمار یادو کے ساتھ مل کر گل نے چوتھی وکٹ کے لئے 65 رنز جوڑے۔ شبھمن گل کو اس میچ سے پہلے 106 رنز درکار تھے۔ انہوں نے چوکا لگا کر اپنے ایک ہزار ون ڈے رنز مکمل کئے ۔