'اگر موت آنی ہے تو....' جاوید میانداد کے بدلے سر، ہندوستان ۔ پاکستان کرکٹ کو لے کر کہی یہ بڑی بات

نئی دہلی : ایشیا کپ 2023 اس سال پڑوسی ملک پاکستان میں منعقد ہونا ہے۔ تاہم وہاں کے خراب سیکورٹی انتظامات کو دیکھ کر بی سی سی آئی متذبذب ہے۔ یہی وجہ ہے کہ بورڈ نے کھلاڑیوں کو پاکستان نہیں بھیجنے کا فیصلہ کیا ہے۔ پاکستان کے سابق کھلاڑی بی سی سی آئی کے اس اقدام سے کافی ناراض ہیں اور غصے میں کچھ بھی اناپ شناپ بولے جارہے ہیں ۔

گرین ٹیم کے سابق لیجنڈ کپتان جاوید میانداد نے حال ہی میں کہا تھا کہ اگر ہندوستان ایشیا کپ کیلئے پاکستان نہیں آ رہا ہے تو نہ آئے۔ ان کے نہ کھیلنے سے پاکستان مر نہیں جائے گا۔ اس بیان کے بعد ملک میں ان پر شدید تنقید کی گئی۔ یہ معاملہ ابھی ٹھنڈہ بھی نہیں ہوا تھا کہ انہوں نے اپنے ایک اور بیان سے ہلچل مچا دی۔

حالانکہ اس مرتبہ انہوں نے جو بیان دیا ہے وہ بالکل الگ ہے۔ انہوں نے نادر علی پوڈ کاسٹ کے دوران گفتگو میں کہا کہ 'ہندوستان کو پاکستان کا دورہ کرنا چاہئے۔ ہم دونوں پڑوسی ممالک ہیں۔ ہم تو بول ہی رہے ہیں کہ ہمیں بلائیے۔ ہمیں وہاں سیکورٹی کا ڈر نہیں ہے ۔ ہم یقین ہے کہ کہ اگر موت آنی ہے تو آنی ہے۔ زندگی اور موت اللہ کے ہاتھ میں ہے۔

یہ بھی پڑھئے: PAK vs NZ: نیوزی لینڈ کے خلاف سیریز کیلئے پاکستانی ٹیم کا اعلان، جانئے کن کن کھلاڑیوں کو ملا موقع

 یہ بھی پڑھئے: بابر اعظم آئی پی ایل کے درمیان دھونی و کوہلی پر پڑیں گے بھاری، پاکستانی کپتان ورلڈ ریکارڈ سے چند قدم دور

سابق کرکٹر نے مزید کہا کہ 'اگر بی سی سی آئی ہمیں بلاتا ہے تو ہم ضرور جائیں گے۔ لیکن انہیں پاکستان کا دورہ بھی کرنا ہوگا۔ پچھلی مرتبہ ہم ان کے یہاں گئے تھے، اس مرتبہ انہیں پاکستان آنا چاہئے۔ جب دونوں ملک ایک دوسرے کے یہاں آئیں گے جائیں گے تو تعلقات بھی بحال ہوں گے۔ جب ہم ہندوستانی کرکٹ فینس سے ملتے ہیں تو ہمیں کوئی دشمنی نظر نہیں آتی ہے۔