پاکستانی کھلاڑی محمد نواز نے اپنے ہی ٹیم ممبر کے سر پر ماری گیند، واقعہ کے بعد صدمہ میں چلے گئے، دیکھئے ویڈیو

میلبورن : ہندوستان اور پاکستان کے درمیان میچ میں دو دن باقی رہ گئے ہیں اور پاکستان کیلئے ایک بری خبر آگئی ہے۔ پاکستان کے بلے باز شان مسعود کو نیٹس میں چوٹ لگنے کے بعد اسپتال لے جایا گیا ۔ دراصل پاکستان کے بہترین آل راونڈر محمد نواز نے پریکٹس کے دوران گیند کو غلطی سے شان مسعود کے سر پر مار دی ۔ اس واقعہ کے بعد محمد نواز بھی صدمے میں چلے گئے ۔

محمد نواز اس پورے واقعہ کی وجہ بنے اور انہیں اپنے کئے پر پچھتاوا ہوا ۔ وہ ویڈیو میں ٹیم سے بالکل الگ گھٹنے کے بل بیٹھے دکھائی دے رہے ہیں ۔ شان مسعود کی چوٹ کی صورتحال کے بارے میں ابھی نہیں پتہ چل پایا ہے ۔ پاکستان کرکٹ بورڈ کی جانب سے جلد ہی آفیشیل بیان آنے کی امید ہے ۔

Nawaz is feeling so low as his hard-hit injured Shan Masood 😭😭😭 pic.twitter.com/DvWqBtUU44

— Haris (@damnharris) October 21, 2022

بتادیں کہ مسعود کے سر پر چوٹ لگنے کے بعد انہیں میڈیکل ٹیم کی نگرانی میں بھیج دیا گیا ہے ۔ یہ یقینی طور پر پاکستان کرکٹ ٹیم کیلئے ایک جھٹکا ہے ۔ شان مسعود نے پچھلے مہینے ہی انگلینڈ کے خلاف سات میچوں کی ٹی ٹوینٹی سیریز میں ڈیبیو کیا تھا ۔ وہ اب ٹیم کے ریگولر ممبر بن گئے ہیں ۔ پاکستان کی ٹیم میں شان مسعود کا مقابلہ ٹیم کے سینئر بلے باز فخر زماں سے ہے ۔ دونوں کھلاڑی تیسرے نمبر پر بلے بازی کرنے کیلئے اترتے ہیں ۔

 

یہ بھی پڑھئے: ہندوستان بمقابلہ پاکستان میچ کو لے کر آسٹریلیا کے لیجنڈ کرکٹر نے دیا بڑا بیان، کہی یہ بات

یہ بھی پڑھئے: ہندوستان اور پاکستان کا میچ بارش کی وجہ سے ہوا رد تو کس کو ملے گا فائدہ، جانئے سب کچھ

بتادیں کہ شان مسعود نے پاکستان کے خلاف 12 ٹی ٹوینٹی انٹرنیشنل میچ کھیلے ہیں، جس میں انہوں نے 220 رنز بنائے ہیں ۔ انہوں نے اپنے 12 میچوں میں دو نصف سنچریاں بنائی ہیں ۔