Ind vs Pak: محمد سمیع کی ایک گیند نے بگاڑ دیا پاکستان کا سارا منصوبہ، ٹوٹ گیا ٹیم کا خواب

نئی دہلی : 23 اکتوبر کو آئی سی سی ٹی ٹوینٹی ورلڈ کپ کے ایک انتہائی سنسنی خیز میچ میں وراٹ کوہلی اور ہاردک پانڈیا کی شاندار اننگز کی بدولت ہندوستان نے پاکستان کو ہرادیا ۔ ہندوستانی کپتان روہت شرما نے ٹاس جیت کر گیند بازی کا فیصلہ کیا ۔ شروعات میں ہندوستان کے گیند بازوں نے اپنی کارکردگی سے پاکستان کو بیک فٹ پر دھکیل دیا ۔ حالانکہ اس اننگز کے دوران پاکستان کی 8 وکٹیں گریں لیکن محمد سمیع کی ایک گیند نے پاکستان کو سب سے زیادہ نقصان پہنچایا۔

پاکستان نے ہندوستان کے خلاف پہلے بلے بازی کرتے ہوئے 8 وکٹوں پر 159 رنز بنائے۔ نوجوان تیز گیند باز ارشدیپ سنگھ نے پہلے کپتان بابر اعظم اور پھر محمد رضوان کو آؤٹ کیا۔ ان دو جھٹکوں کے بعد پاکستانی ٹیم نے خود کو سنبھال لیا، شان مسعود اور افتخار احمد نے پچاس رنز کی شراکت داری کی۔ ایک وقت ایسا لگ رہا تھا کہ ٹیم آسانی سے بڑے اسکور کی طرف بڑھ رہی ہے، لیکن تبھی محمد سمیع نے اپنے تجربے کا مظاہرہ کیا ۔ یہاں کچھ ایسا ہوا، جس نے میچ کو پوری طرح سے پلٹ دیا ۔

 

یہ بھی پڑھئے: ہندوستان کا کرارا وار، اب پاکستان کیلئے سیمی فائل میں پہنچنے کی راہ ہوگی مشکل!

یہ بھی پڑھئے: ارشدیپ نے رقم کی تاریخ، ورلڈ کپ کی اپنی پہلی گیند پر بابر اعظم کو گولڈن ڈک پر کیا آوٹ

افتخار نے شان مسعود کے ساتھ مل کر پاکستان کی ٹیم کو مشکل سے نکالا۔ دونوں نے شارٹس لگانے بھی شروع کر دئے تھے۔ افتخار نے 32 گیندوں پر 4 چھکے اور 2 چوکے کی مدد سے اپنی نصف سنچری مکمل کی۔ جب وہ خطرناک نظر آ رہے تھے، تبھی محمد سمیع نے انہیں وکٹ کے سامنے پھنسایا اور ایل بی ڈبلیو آوٹ کر کے پویلین واپس جانے پر مجبور کر دیا ۔

افتخار اور شان مسعود کے جوڑی ٹوٹنے کے ساتھ ہی پاکستان کی بڑے اسکور کی امید بھی دم توڑ گئی۔ ہاردک نے آکر لگاتار تین وکٹیں حاصل کیں اور بعد میں پاکستانی ٹیم بمشکل 8 وکٹوں پر 159 رنز تک پہنچ سکی۔ سمیع نے اس میچ میں 4 اوور میں 25 رن دے کر صرف ایک وکٹ لیا، لیکن وہ وکٹ جو ٹیم انڈیا کے لئے مشکل ہو گئی تھی ۔