ہوم » نیوز » اسپورٹس

ٹی 20 ورلڈ کپ میں ہندوستان کا فاتحانہ آغاز ، چار مرتبہ کی ورلڈ چمپئن آسٹریلیا کو دی کراری شکست

ہندستانی خواتین ٹیم نے پہلے بلے بازی کرتے ہوئے دپتی شرما کی 46 گیندوں میں تین چوکوں کی مدد سے ناٹ آؤٹ 49 رن کی اننگز کی بدولت 20 اوور میں چار وکٹ پر 132 رن بنائے ، جس کے جواب میں میزبان آسٹریلیا کی ٹیم 19.5 اوور میں 115 رن ہی بناسکی ۔

  • UNI
  • Last Updated: Feb 21, 2020 08:31 PM IST
  • Share this:
ٹی 20 ورلڈ کپ میں ہندوستان کا فاتحانہ آغاز ، چار مرتبہ کی ورلڈ چمپئن آسٹریلیا کو دی کراری شکست
پونم کو ان کی شاندار بولنگ کے لئے پلیئر آف دی میچ کا ایوارڈ ملا ۔ تصویر : سوشل میڈیا ۔

لیگ اسپنر پونم یادو(19 رن پر چار وکٹ) اور تیز گیند باز شکھا پانڈے (14 رن پر تین وکٹ) کی شاندار گیند بازی کی بدولت ہندستان نے آسٹریلیا کو جمعہ کو آئی سی سی خواتین ٹی-20 عالمی کپ کے پہلے مقابلے میں 17 رن سے شکست دے دی ۔ ہندستانی خواتین ٹیم نے پہلے بلے بازی کرتے ہوئے دپتی شرما کی 46 گیندوں میں تین چوکوں کی مدد سے ناٹ آؤٹ 49 رن کی اننگز کی بدولت 20 اوور میں چار وکٹ پر 132 رن بنائے ، جس کے جواب میں میزبان آسٹریلیا کی ٹیم 19.5 اوور میں 115 رن ہی بناسکی ۔


ہندستان کی جانب سے پونم اور شکھا نے بہترین گیند بازی کرکے آسٹریلیا ئی ٹیم کو باندھے رکھا اور ٹورنامنٹ کی شروعات جیت سے کی ۔ آسٹریلیا کی طرف سے ایلیسا ہولی نے 35 گیندوں میں چھ چوکے اور ایک چھکے کی مدد سے سب سے زیادہ 51 رن بنائے ۔ لیکن ان کی نصف سنچری آسٹریلیا کو جیت نہیں دلا سکی۔ آسٹریلیا کی اننگز میں ہولی کے علاوہ ایشرے گارڈنر نے 34 رن ، بیتھ مینو نے 6 ، راچیل ہینس نے 6 ، کپتان میگ لیننگا نے 5 ، اور ڈیلیسا کمنس نے چار رن بنائے ۔ ہندستان کی جانب سے پونم نے چار اوور میں 19 رن دے کر چار وکٹ لئے ۔ شکھا نے 3.5 اوور میں 14 رن دے کر تین وکٹ اور راجیشوری گائیکواڈ نے چار اوور میں 31 رن دے کر ایک وکٹ لیا۔


ہدف کا تعاقب کرنے کیلئے اتری آسٹریلیا ٹیم کو شکھا نے مونی کو آؤٹ کر کے پہلا جھٹکا دیا ۔ مونی کے بعد مینگ لیننگ نئے بلے باز کی حیثیت سے کریز پر اتریں ، لیکن کوئی کرشمہ نہیں کر سکیں ۔ لیننگ کو گائیکواڈ نے تانیہ بھاٹیہ کے ہاتھوں کیچ کراکر آؤٹ کیا ۔ ابتدائی جھٹکوں کے درمیان ہیلی نے اپنی اننگز کو آگے بڑھایا اور شاندار نصف سنچری لگائی ۔ اگرچہ ہیلی اپنی اس اننگز کو آگے نہیں بڑھا سکیں اور پونم کا شکار بنیں ۔ ہیلی کے آؤٹ ہونے کے بعد آسٹریلیائی اننگز لڑکھڑاگئی ۔ اس دوران گارڈنر نے بہترین شاٹ کھیل آسٹریلیا کی امیدوں کو روشن رکھا ۔

گارڈنر کا وکٹ شکھا نے لیا اور آسٹریلیا کی آخری امیدوں پر پانی پھیر دیا ۔ گارڈنر میں 36 گیندوں میں 34 رن کی اننگز میں تین چوکے اور ایک چھکا لگایا ۔ ہیلی اور گارڈنر کے علاوہ آسٹریلیا کی کوئی بھی بلے باز کرشمہ نہیں کر سکی ۔ لہذا اس ٹورنامنٹ کے پہلے میچ میں شکست کا سامنا کرنا پڑا ۔

پونم کو ان کی شاندار بولنگ کے لئے پلیئر آف دی میچ کا ایوارڈ ملا ۔ اس سے پہلے ٹاس ہار کر پہلے بلے بازی کرنے اتری ہندستانی ٹیم کو اوپنر شیفالی ورما اور سمرتی مندھانا نے اچھی شروعات دلائی اور دونوں کے درمیان پہلی وکٹ کے لئے 41 رن کی ساجھےداری ہوئی ۔ اگرچہ یہ ساجھیداری اور بڑی ہوتی ، اس سے پہلے ہی جیس جوناسن نے ایل بی ڈبلیو کر کے مندھانا کو آؤٹ کر دیا۔ مندھانا نے 11 گیندوں میں 10 رن کی اننگز میں دو چوکے لگائے ۔ مندھانا کے بعد شیفالی بھی زیادہ دیر کریز پر نہیں ٹک سکیں اورا یلسا پیری کی گیند پر انابیل سدرلینڈ کو کیچ تھما بیٹھیں ۔ شیفالی نے 15 گیندوں میں پانچ چوکوں اور ایک چھکے کی مدد سے 29 رن بنائے۔

نئے بلے باز کے طور پر میدان پر اتری کپتان ہرمن پريت کور اپنا جلوہ نہیں بکھیر سکیں اور صرف دو رنز بنا کر پویلین لوٹ گئیں ۔ اس کے بعد جمیما روڈرگز نے دپتی کے ساتھ مل کر ہندوستانی اننگز کو آگے بڑھایا اور دونوں کے درمیان چوتھے وکٹ لئے 53 رنز کی بڑی شراکت ہوئی ۔ روڈرگز کا وکٹ كمنس نے لیا ۔ روڈرگز نے 33 گیندوں پر 26 رن بنائے ۔ روڈرگز کے آؤٹ ہونے کے بعد دپتی نے ویدا کرشنا مورتی کے ساتھ ہندستانی اننگز کو آگے بڑھایا۔  کرشنامورتی نو رن بنا کر ناٹ آؤٹ رہیں ۔ آسٹریلیا کی جانب سے جوناسن نے چار اوور میں 24 رن دے کر دو وکٹ لئے جبکہ پیری نے تین اوور میں 15 رن اور كمنس نے چار اوور میں 24 رن دے کر ایک ایک وکٹ لیا ۔ ہندستان کا اگلا مقابلہ بنگلہ دیش سے 24 فروری کو پرتھ میں ہوگا ۔
First published: Feb 21, 2020 08:31 PM IST