ایڈیلیڈ ٹیسٹ میں بمرا نے پھینکی سب سے تیز گیند ، رفتار سن کر کھڑے ہوجائیں  گے آپ کے کان

جسپریت بمرا جب ہندوستان میں گیند بازی کرتے ہیں ، تب بھی ان کی رفتار 142-143 کلو میٹر فی گھنٹہ کے آس پاس رہتی ہے ، لیکن آسٹریلیا جاتے ہی ان کی رفتار مزید بڑھ گئی ہے۔ ایڈیلیڈ ٹیسٹ میں انہوں نے ویسے تو اوسطا 142 کلو میٹر فی گھنٹہ سے زائد کی رفتار میں گیند بازی کی ، لیکن اس دوران انہوں نے کئی مرتبہ 145 سے بھی زیادہ کی رفتار میں گیندیں ڈالیں۔ اس دوران انہوں نے ایک گیند تو 153.25 کلو میٹر فی گھنٹہ کی رفتار سے ڈال دی ، جو کہ اس میچ کی سب سے تیز گیند ہے۔ ایڈیلیڈ ٹیسٹ میں اتنی تیز گیند تو کوئی آسٹریلیائی گیند باز بھی نہیں پھینک پایا ۔ بمرا نے یہ گیند 8 ویں اوور میں مارکس ہیرس کے خلاف پھینکی ۔
خبر لکھے جانے تک آسٹریلیا نے چھ وکٹ کے نقصان پر 150رن بنالئے تھے ۔ ان کے دو بلے باز پیٹ کمنس اور ہیڈ کریز پر موجود ہیں ۔ اس سے پہلے ٹیم انڈیا کو 250 رن پر سمیٹنے کے بعد آسٹریلیائی ٹیم بلے بازی کرنے اتری ، لیکن ان کی شروعات امید کے مطابق نہیں رہی۔ ایشانت شرنا نے پہلے ہی اوور کی تیسری گیند پر ان کے سلامی بلے باز ارون فنچ کو بولڈ کردیا ۔
آر اشون شاندار گیند بازی کا مظاہرہ کررہے ہیں ۔ انہوں نے اب تک تین وکٹ حاصل کرلئے ہیں جبکہ ایک وکٹ جسپریت بمبرا اور دو وکٹ ایشانت شرما کے کھاتے میں گئے ہیں۔ محمد سمیع کو اب تک کوئی کامیابی نہیں مل سکی ہے۔

یہ بھی پڑھیں : ایڈیلیڈ ٹیسٹ میں ایسے ملے گی ٹیم انڈیا کو جیت ، دوسرے دن کرنے ہوں گے یہ تین بڑے کام