உங்கள் மாவட்டத்தைத் தேர்வுசெய்க

    IND vs AUS: پاکستان کو پیچھے چھوڑنے کے ساتھ ہی ہندوستان نے بنایا ایک اور بڑا ریکارڈ

    IND vs AUS: پاکستان کو پیچھے چھوڑنے کے ساتھ ہی ہندوستان نے بنایا ایک اور بڑا ریکارڈ ۔ تصویر : اے پی ۔

    IND vs AUS: پاکستان کو پیچھے چھوڑنے کے ساتھ ہی ہندوستان نے بنایا ایک اور بڑا ریکارڈ ۔ تصویر : اے پی ۔

    ہندوستان نے آسٹریلیا کے خلاف دوسرے ٹی 20 میچ میں چھ وکٹوں سے جیت درج کرکے تین میچوں کی سیریز پر قبضہ کرلیا ہے ۔

    • Share this:
      وراٹ کوہلی کی قیادت میں ٹیم انڈیا نے آسٹریلیا کے خلاف دوسرا ٹی ٹوینٹی میچ چھ وکٹوں سے جیت لیا ۔ اسی کے ساتھ ہی تین میچوں کی سیریز پر بھی قبضہ جمالیا ۔ پہلے بلے بازی کرتے ہوئے آسٹریلیا نے 194 رن بنائے اور جیت کیلئے 195 رنوں کا ہدف دیا ، جس کو ہندوستان نے آسانی سے حاصل کرلیا ۔ انٹرنیشنل ٹی ٹوینٹی کرکٹ میں آسٹریلیائی سرزمین پر ہندوستان نے اب تک کا دوسرا بڑا ہدف کامیابی کے ساتھ حاصل کیا ۔ 2016 میں سڈنی میں ہندوستان نے 198 رنوں کا ہدف حاصل کیا تھا ۔

      وہیں اس کے ساتھ ہی ہندوستان نے ٹی ٹوینٹی کرکٹ میں پاکستان کا بڑا ریکارڈ توڑ دیا ہے ۔ ہندوستان کی یہ لگاتار دسویں ٹی ٹوینٹی جیت تھی ۔ اسی کے ساتھ پاکستان کے مسلسل نو ٹوینٹی میچ جیتنے کا ریکارڈ توڑ دیا ہے ۔ پاکستان نے 2018 میں مسلسل نو انٹرنیشنل ٹی ٹوینٹی میچ جیت کر ریکارڈ بنایا تھا ۔ جولائی 2018 سے نومبر 2018 تک پاکستان نے ہرارے میں سہ رخی سیریز میں زمبابوے اور پھر دو مرتبہ آسٹریلیا کو ہرایا ۔ اس کے بعد یو اے ای میں آسٹریلیا اور نیوزی لینڈ کو تین تین مرتبہ ہرایا ۔ وراٹ کوہلی کی ٹیم نے جمعہ کو کینبرا میں بازی مارکر مسلسل نو انٹرنیشنل ٹی ٹوینٹی میچ جیتنے کے پاکستان کے ریکارڈ کی برابری کرلی تھی ۔

      ہندوستان نے ٹی ٹوینٹی کرکٹ میں پاکستان کا بڑا ریکارڈ توڑ دیا ہے ۔ (PIC: BCCI/Twitter)
      ہندوستان نے ٹی ٹوینٹی کرکٹ میں پاکستان کا بڑا ریکارڈ توڑ دیا ہے ۔ (PIC: BCCI/Twitter)


      گزشتہ 12 مہینوں میں ٹیم انڈیا کو ابھی تک ایک بھی انٹرنیشنل ٹی ٹوینٹی میچ میں شکست کا سامنا نہیں کرنا پڑا ہے ۔ دسمبر 2019 میں ویسٹ انڈیز کے خلاف ممبئی میں ملی جیت سے ٹیم انڈیا کے اس سفر کی شروعات ہوئی تھی ۔ 2020 میں ہندوستان نے گھر میں سری لنکا کے خلاف پہلی ٹی ٹوینٹی سیریز کھیلی تھی ۔

      حالانکہ مسلسل سب سے زیادہ انٹرنیشنل ٹی ٹوینٹی میچ جیتنے کا ریکارڈ افغانستان کے نام ہے ۔ اس نے 2018 سے 2019 تک 12 میچ جیتے ۔ 2016 سے 2017 کے درمیان گیارہ جیت کے ساتھ دوسرے نمبر پر بھی اسی ٹیم کا قبضہ ہے ۔ اگر ٹیم انڈیا آسٹریلیا کو کلین سویپ کردیتی ہے ، تو افغانستان کے گیارہ میچوں کے ریکارڈ کی برابری کرلے گی ۔ وہیں آئی سی سی ٹی ٹوینٹی رینکنگ میں بھی دوسرے مقام پر آجائے گی ۔
      Published by:Imtiyaz Saqibe
      First published: