IND vs AUS: کے ایل راہل کے آوٹ ہونے سے روہت شرما کو کیوں ہوا درد؟ پھر امیدوں پر پانی پھرا، جانئے کیسے

نئی دہلی : ہندوستان اور آسٹریلیا  ٹیسٹ سیریز میں آمنے سامنے آچکے ہیں۔ ناگپور ٹیسٹ کے پہلے دن ہندوستان ٹیم ہر لحاظ سے مہمانوں پر حاوی رہی، خواہ وہ بلے بازی ہو یا گیندبازی ۔ آسٹریلیا نے ٹاس جیت کر بلے بازی کا فیصلہ کیا، لیکن پیٹ کمنز کے اس فیصلے کو ٹیم انڈیا کے گیند بازوں نے غلط ثابت کردیا۔ تیز گیند بازوں نے اوپنرز کو سستے میں آؤٹ کردیا، جس کے بعد اسپنرز نے مہمان ٹیم کے بلے بازوں پر قہر ڈھادیا۔

آسٹریلیا کی اننگز صرف 177 رنز پر ختم ہوگئی۔ اب سب کی نظریں ٹیم انڈیا کے سلامی بلے بازوں پر تھیں۔ کے ایل راہل جنہیں ان فارم بلے باز شبھمن گل کی بحث کے درمیان اوپننگ کی ذمہ داری دی گئی، ایک مرتبہ پھر کچھ خاص نہیں کرسکے۔ راہل طویل عرصہ سے اپنی خراب فارم سے نبرد آزما ہیں۔

ناگپور ٹیسٹ میں بھی ان کا فلاپ شو جاری رہا۔ انہوں نے 71 گیندوں کا سامنا کیا اور 1 چوکے کی مدد سے صرف 20 رنز بنائے۔ اس اننگز کے بعد ان کی جگہ خطرے میں پڑ سکتی ہے۔

روہت شرما نے اپنی نصف سنچری سے ٹیم انڈیا کو اچھی شروعات دلائی۔ راہل کو کافی وقت دینے کے ساتھ ساتھ روہت ایک طرف سے مسلسل رنز بناتے رہے۔ لیکن کپتان کی امیدوں پر پانی پھر گیا۔ راہل 20 رنز بنانے کے بعد پویلین لوٹ گئے۔ اب دیکھنا یہ ہے کہ انہیں آنے والے میچوں میں موقع ملتا ہے یا نہیں۔

یہ بھی پڑھئے: پہلے جڈیجہ اور اشون کی خطرناک گیند بازی، پھر روہت شرما کی نصف سنچری، مشکل میں آسٹریلیا

یہ بھی پڑھئے: اتھیا شیٹی سے لے کر دھنشری ورما تک، جانئے کتنی تعلیم یافتہ ہیں ان 9 کرکٹرز کی بیویاں

روہت شرما کی نصف سنچری کی وجہ سے پہلے دن کھیل ختم ہونے تک ہندوستان کا سکور 77 رنز تھا۔ روہت شرما 56 رنز بنا کر ناٹ آؤٹ ہیں۔ راہل کے بعد آر اشون بلے بازی کیلئے میدان میں اترے۔