اپنا ضلع منتخب کریں۔

    IND vs NZ : روہت۔ گل کی شاندار بلے بازی، کیویز کو 3-0 سے ہرا کر ٹیم انڈیا نے گھر پر جیتی لگاتار ساتویں سیریز

    IND vs NZ : روہت۔ گل کی شاندار بلے بازی، کیویز کو 3-0 سے ہرا کر ٹیم انڈیا نے گھر پر جیتی لگاتار ساتویں سیریز (BCCI)

    IND vs NZ : روہت۔ گل کی شاندار بلے بازی، کیویز کو 3-0 سے ہرا کر ٹیم انڈیا نے گھر پر جیتی لگاتار ساتویں سیریز (BCCI)

    India vs New Zealand : اندور میں کھیلے گئے ون ڈے سیریز کے تیسرے میچ میں ہندوستانی ٹیم 90 رنز سے جیت گئی ہے ۔ کپتان روہت شرما اور شبھمن گل میچ کے ہیرو رہے ۔

    • News18 Urdu
    • Last Updated :
    • Delhi | New Delhi
    • Share this:
      نئی دہلی : اندور میں کھیلے گئے ون ڈے سیریز کے تیسرے میچ میں ہندوستانی ٹیم 90 رنز سے جیت گئی ہے ۔ کپتان روہت شرما اور شبھمن گل میچ کے ہیرو رہے ۔ دونوں نے پہلی وکٹ کے لئے ڈبل سنچری کی شراکت داری کی، جس کی وجہ سے کیوی بلے بازوں کو واپسی کا کوئی موقع ہی نہیں ملا۔ اس جیت کے ساتھ ہی ہندوستان نے نیوزی لینڈ کو ون ڈے سیریز میں 3-0 سے کلین سویپ کر کردیا ہے۔ ساتھ ہی ہندوستان آئی سی سی ون ڈے رینکنگ میں بھی پہلے نمبر پر آگیا ہے ۔

      نیوزی لینڈ کے کپتان ٹام لیتھم نے ٹاس جیت کر پہلے فیلڈنگ کا فیصلہ کیا۔ مگر یہ فیصلہ ان کی ٹیم کے لئے غلط ثابت ہوا۔ سیریز کے پہلے میچ میں ڈبل سنچری بنانے والے شبھمن گل نے اس میچ میں ایک بار پھر بلے سے اپنی شاندار کارکردگی کا مظاہرہ کیا ۔ انہوں نے 78 گیندوں کا سامنا کرکے 112 رنز کی اننگز کھیلی۔ اس دوران ان کے بلے سے 13 چوکے اور 5 چھکے لگے۔ وہیں کپتان روہت شرما نے بھی 85 گیندوں پر 101 رنز کی اننگز کھیلی۔ ہٹ مین نے 9 چوکے اور چھ چھکے لگائے۔ آخر میں ہاردک پانڈیا نے شاندار بلے بازی کی۔ انہوں نے 38 گیندوں پر 54 رنز کی اننگز کھیلی ۔

      روہت اور شبھمن گل نے ہندوستان کو شاندار آغاز فراہم کیا۔ اس کے بعد ہندوستانی ٹیم کا مڈل آرڈر تاش کے پتوں کی طرح بکھر گیا۔ لیکن ہاردک پانڈیا نے ایک اینڈ سے رنز بنانے کی ذمہ داری اٹھائی۔ انہوں نے 38 گیندوں میں 54 رنز بنائے۔ ہاردک نے تین چوکے اور تین چھکے لگائے۔

      ہاردک نے گیند سے بھی ہندوستان کو پہلی کامیابی دلائی۔ نیوزی لینڈ کی اننگز میں فن ایلن ہاردک پانڈیا کے میچ کے پہلے اوور کی دوسری گیند پر کلین بولڈ ہوگئے ۔

      یہ بھی پڑھئے: شبھمن نے 3 میچوں میں بنائی 2سنچریاں، کوہلی اور سچن سے نکلے آگے، مگر بابر کے سامنے پھیکے!


      یہ بھی پڑھئے: دھماکہ دار سنچری بناکر روہت شرما نے ایک ساتھ توڑ ڈالے کئی ریکارڈز!



      کانوے کی سنچری کے باوجود کیویز پست

      نیوزی لینڈ کے سلامی بلے باز ڈیون کانوے نے 100 گیندوں کا سامنا کرنے کے بعد 138 رنز کی اننگز کھیلی۔ تاہم دوسرے بلے بازوں کی جانب سے تعاون نہیں ملنے کی وجہ سے ان کی ٹیم کو میچ میں شکست کا منہ دیکھنا پڑا ۔
      Published by:Imtiyaz Saqibe
      First published: