خطرناک گیندبازی کے سامنے جنوبی افریقہ پست، تیسرا ون ڈے جیت کر ہندوستان نے سیریز پر کیا قبضہ

نئی دہلی : ہندوستانی کرکٹ ٹیم نے فیصلہ کن ون ڈے میں زبردست کھیل کا مظاہرہ کرتے ہوئے جنوبی افریقہ کے خلاف یک طرفہ جیت درج کی۔ تیسرے میچ میں ہندوستان نے ٹاس جیت کر پہلے گیند بازی کی ۔ کلدیپ یادو کی خطرناک گیند بازی کی بدولت پر مہمان ٹیم صرف 99 رنز پر ڈھیر ہوگئی۔ ٹرافی اٹھانے کے لئے مطلوبہ ہدف آسانی سے 19.1 اوورز میں 3 وکٹوں کے نقصان پر حاصل کر لیا۔ ہندوستان نے تین میچوں کی ون ڈے سیریز 2-1 سے اپنے نام کر لی۔

100 رنز کے ہدف کے تعاقب میں ہندوستان کو کپتان شیکھر دھون نے مایوس کیا ، لیکن نوجوان شبھمن گل نے ایک اور شاندار اننگز کھیلی۔ کپتان 8 رنز بنا کر پویلین لوٹ گئے جبکہ ایشان کشن بھی صرف 10 رنز بنا سکے۔ شریس ایئر کے ساتھ مل کر گل نے ٹیم کو جیت کے قریب تک پہنچا دیا ۔ تاہم گل اپنی نصف سنچری سے 1 رن سے چوک گئے ۔ وہ 57 گیندوں پر 49 رنز بناکر پویلین لوٹے ۔

 

یہ بھی پڑھئے: ٹی 20 ورلڈ کپ سے پہلے محمد رضوان کو ملا بڑا انعام، ہرمن پریت بھی خاص لسٹ میں شامل

 

یہ بھی پڑھئے: بابر کی حکمت عملی نے کیا کمال، پھر بھی بھڑکے سابق کپتان...وہ ٹیم کے ساتھ کیا کررہے ہیں؟

ہندوستان نے تین میچوں کی سیریز میں پہلا ون ڈے میچ ہارنے کے بعد شاندار واپسی کی اور پھر ٹرافی پر قبضہ کرلیا۔ منگل کو کھیلے گئے فیصلہ کن میچ میں بارش نے شروع میں کچھ وقت ضائع کیا، لیکن ٹیم انڈیا نے جنوبی افریقہ پر گرفت مضبوط کرنے میں دیر نہیں کی۔ 66 رنز تک آدھی ٹیم لوٹ چکی تھی اور اس کے بعد کلدیپ یادو نے آکر ایک ہی جھٹکے میں ٹیم کا صفایا کردیا۔ 18.5 اوور میں 5 وکٹیں گنوانے والی ٹیم 27.1 اوورز میں 99 رنز پر ڈھیر ہوگئی ۔

میچ کے اصل ہیرو کلدیپ یادو تھے، جنہوں نے صرف 4.1 اوورز کی گیند بازی میں 18 رنز دے کر 4 وکٹیں حاصل کیں۔ ویسے واشنگٹن سندر نے کوئنٹن ڈی کاک کی وکٹ لے کر جنوبی افریقہ کو پہلا جھٹکا دیا۔ اس کے بعد محمد سراج نے ملان اور ریزا ہینڈرکس کی وکٹیں لے کر ٹیم کو دباؤ میں ڈال دیا۔ شہباز احمد اور پھر رہی سہی کسر آخر میں کلدیپ نے پوری کردی ۔ شہباز، سراج اور سندر نے 2-2 وکٹیں حاصل کیں ۔