IND vs SL: فیصلہ کن جنگ میں پانڈیا نے جیتا ٹاس، ٹیم انڈیا کرے گی پہلے بلے بازی، جانئے پلیئنگ الیون

نئی دہلی : ہندوستان اور سری لنکا کے درمیان جاری تین ٹی ٹوینٹی میچوں کی سیریز کا تیسرا اور آخری میچ ہفتہ کو راجکوٹ کے سوراشٹرا کرکٹ ایسوسی ایشن سٹیڈیم میں کھیلا جا رہا ہے۔ اس دلچسپ میچ میں ہندوستانی کپتان ہاردک پانڈیا نے ٹاس جیت کر پہلے بلے بازی کرنے کا فیصلہ کیا ہے۔ میچ شام سات بجے سے شروع ہوگا۔

سیریز کا تیسرا میچ دونوں ٹیموں کے لئے کافی اہم ہے۔ دراصل تیسرے ٹی ٹوینٹی میچ میں جو بھی ٹیم جیتے گی، اس کا سیریز پر قبضہ ہوجائے گا۔ فی الحال دونوں ٹیمیں جاری سیریز میں 1-1 سے برابری پر چل رہی ہیں۔ سیریز کا پہلا میچ 3 جنوری کو ممبئی کے وانکھیڑے اسٹیڈیم میں کھیلا گیا تھا۔ اس دلچسپ میچ میں ہندوستانی ٹیم کو دو رنز سے جیت ملی تھی۔

ممبئی میں شکست کے بعد سری لنکائی ٹیم نے پونے میں زبردست واپسی کی اور ہندوستانی ٹیم کو 16 رنز سے شکست دی۔ دراصل پونے میں ٹاس ہارنے کے بعد پہلے بلے بازی کرتے ہوئے سری لنکا نے مقررہ اوورز میں چھ وکٹوں کے نقصان پر 206 رنز کا بڑا اسکور بنایا۔ وہیں 207 رنز کے ہدف کا تعاقب کرتے ہوئے ہندوستانی ٹیم مقررہ اوورز میں آٹھ وکٹوں کے نقصان پر 190 رنز ہی بنا سکی تھی۔

ٹیم انڈیا پلیئنگ الیون

ایشان کشن (وکٹ کیپر)، شبھمن گل، راہل ترپاٹھی، سوریہ کمار یادو، ہاردک پانڈیا (کپتان)، دیپک ہڈا، اکشر پٹیل، شیوم ماوی، عمران ملک، ارشدیپ سنگھ اور یجویندر چہل ۔

یہ بھی پڑھئے: کرکٹر محمد کیف کی اہلیہ خوبصورتی میں کٹرینہ ۔ انوشکا کو دیتی ہیں مات، دیکھئے تصاویر

یہ بھی پڑھئے: اس کرکٹر نے ٹیم انڈیا کی ہار میں بھی رقم کی تاریخ، T20میں ایسا کرنےوالے بنے پہلےہندوستانی

سری لنکا پلیئنگ الیون

پاتھم نسانکا، کسل مینڈس (وکٹ کیپر)، اویشکا فرنانڈو، دھننجے ڈی سلوا، چرتھ اسلنکا، داسن شناکا (کپتان)، وینندو ہسرنگا، چمیکا کرونارتنے، مہیش تھیکشنا، کسن رجیتھا، دلشان مدوشنکا ۔