உங்கள் மாவட்டத்தைத் தேர்வுசெய்க

    IPL 2021 : کولکاتہ کو ہراکر چنئی سپرکنگس پھر ٹاپ پر ، رویندر جڈیجہ کا دکھا طوفانی اوتار

    IPL 2021 : کولکاتہ کو ہراکر چنئی سپرکنگس پھر ٹاپ پر ، رویندر جڈیجہ کا دکھا طوفانی اوتار (AFP)

    IPL 2021 : کولکاتہ کو ہراکر چنئی سپرکنگس پھر ٹاپ پر ، رویندر جڈیجہ کا دکھا طوفانی اوتار (AFP)

    CSK vs KKR : چنئی کی آئی پی ایل کے دوسرے مرحلے میں یہ مسلسل تیسری جیت ہے اور اس جیت کے ساتھ ملے دو پوائنٹ کی بدولت چنئی کی ٹیم ٹیبل میں پھر سے چوٹی پر پہنچ گئی ہے۔

    • UNI
    • Last Updated :
    • Share this:
      ابوظہبی : آل راونڈر رویندر جڈیجہ کی آٹھ گیندبازی پر 22 رن کی طوفانی اننگز کی بدولت چنئی سپرکنگس (سی ایس کے ) نے یہاں آج آئی پی ایل 14 کے 38 ویں میچ میں کولکاتہ نائٹ رائیڈرس (کے کے آر) کو دو وکٹوں سے شکست دی۔ پہلے بلے بازی کرتے ہوئے کولکاتہ نے ٹاس جیت کر 20 اوورز میں سات چھ کے نقصان پر 171 رنز کا چیلنجنگ اسکور بنایا۔ جواب میں چنئی نے شروعات میں ٹاپ آرڈر کے بلے بازوں رتوراج گائیکواڈ (40) ، فاف ڈو پلیسی (43) اور معین علی (32) اور آخر میں رویندرا جڈیجہ کی جارحانہ اننگز کی بدولت 20 اوورز میں آٹھ وکٹوں پر 172 رن بناکر دلچسپ مقابلے میں دو وکٹ سے جیت حاصل کرلی ۔

      گائیکواڈ نے دو چوکوں اور تین چھکوں کی مدد سے 28 گیندوں پر 40، ڈو پلیسیس نے 30 گیندوں پر سات چوکوں کی مدد سے 43 اور جڈیجہ نے دو چوکوں اور دو چھکوں کی مدد سے آٹھ گیندوں پر زبردست 22 رنز بنائے۔ کے کے آر کی جانب سے سنیل نارائن نے چار اوور میں 41 رن دے کر تین وکٹیں حاصل کیں جبکہ پرسدھ کرشنا، لاکی فرگیوسن ، ورون چکروتی اور آندرے رسل نے ایک ایک وکٹ حاصل کیا۔

      اس سے قبل کولکاتہ کے کپتان ایون مورگن نے ٹاس جیت کر پہلے بلے بازی کا فیصلہ کیا۔ پچھلے دو میچوں کی طرح اس میچ میں بھی کولکتہ کو اچھی شروعات نہیں ملی اور ٹیم نے پہلے اوور کی آخری گیند پر شبھمن گل کو رن ​​آؤٹ کے طور پرگنوا دیا ۔ لیکن وینکٹیش ایئر اور ترپاٹھی نے دوسری وکٹ کے لیے 40 رنز جوڑے۔ ایئر 15 گیندوں میں تین چوکوں کی مدد سے 18 رنز بنانے کے بعد شاردل ٹھاکر کا شکار بنے۔ مورگن 14 گیندوں میں بغیر کسی باؤنڈری کے آٹھ رنز بنانے کے بعد جوش ہیزل ووڈ کے ہاتھوں آوٹ ہوئے۔

      ترپاٹھی نے 33 گیندوں میں چار چوکوں اور ایک چھکے کی مدد سے 45 رنز بنائے اور وہ ٹیم کے 89 کے اسکور پر آؤٹ ہوگئے۔ آندرے رسل نے 15 گیندوں میں دو چوکوں اور ایک چھکے کی مدد سے 20 رنز بنائے جبکہ وکٹ کیپر کارتک نے صرف 11 گیندوں میں تین چوکوں اور ایک چھکے کی مدد سے 26 رنز بنائے۔ رانا 27 گیندوں میں تین چوکوں اور ایک چھکے کی مدد سے 37 رنز بنا کر ناٹ آوٹ رہے۔ چنئی کی جانب سے جوش ہیزل ووڈ نے 40 رن پر دو وکٹ اور ٹھاکر نے 20 رنز پر دو وکٹیں حاصل کیں۔

      چنئی کی آئی پی ایل کے دوسرے مرحلے میں یہ مسلسل تیسری جیت ہے اور اس جیت کے ساتھ ملے دو پوائنٹ کی بدولت چنئی کی ٹیم ٹیبل میں پھر سے چوٹی پر پہنچ گئی ہے۔
      Published by:Imtiyaz Saqibe
      First published: