உங்கள் மாவட்டத்தைத் தேர்வுசெய்க

    IPL 2021 : دبئی میں کے ایل راہل کی آندھی ، پنجاب نے چنئی کو چھ وکٹوں سے دی مات

    IPL 2021 : دبئی میں کے ایل راہل کی آندھی ، پنجاب نے چنئی کو چھ وکٹوں سے دی مات (AFP)

    IPL 2021 : دبئی میں کے ایل راہل کی آندھی ، پنجاب نے چنئی کو چھ وکٹوں سے دی مات (AFP)

    CSK vs PBKS: کپتان لوکیش راہل (98) کی طوفانی اننگ سے پنجاب کنگز نے چنئی سپر کنگز کے خلاف آئی پی ایل مقابلے میں چھ وکٹ سے بڑی جیت درج کی۔

    • UNI
    • Last Updated :
    • Share this:
      دبئی : کپتان لوکیش راہل (98) کی طوفانی اننگ سے پنجاب کنگز نے چنئی سپر کنگز کے خلاف آئی پی ایل مقابلے میں چھ وکٹ سے بڑی جیت درج کی۔ پنجاب نے پہلے عمدہ گیند بازی کرتے ہوئے چنئی کو 134 رنز پر آؤٹ کیا اور بعد میں راہل کی طوفانی اننگز سے سات اوورز پہلے ہی چھ وکٹ سے میچ جیت لیا۔ پنجاب نے 13 اوورز میں چار وکٹوں کے نقصان پر 139 رنز بنائے۔ چنئی کے لیے صرف شاردل ٹھاکر کامیاب رہے۔ انہوں نے تین اوورز میں 28 رنز دے کر تین وکٹیں حاصل کیں۔ ان کے علاوہ تمام گیندباز کافی مہنگے ثابت ہوئے۔ راہل نے تمام گیندبازوں کی جم کرپٹائی کی۔ چنئی کے لیے اس سیزن کے سب سے کامیاب بولر دیپک چاہر نے چار اوورز میں 48 جبکہ ڈوین براوو نے دو اوورز میں 32 رنز دیے۔

      راہل نے 42 گیندوں پر سات چوکوں اور آٹھ چھکوں کی مدد سے ناقابل شکست 98 رنز بنائے۔ وہ یقینی طور پر دو رنز سے اپنی سنچری سے محروم رہے ، لیکن ٹیم کو زبردست فتح دلانے سے نہیں چوکے۔ انہیں میچ جیتنے والی اننگز کے لیے 'پلیئر آف دی میچ' کا ایوارڈ دیا گیا۔ پنجاب کی جانب سے دیگر کوئی بلے باز اتنا متاثرکن نظرنہیں آیا۔ ایڈن مارکرم نے ایک چھکے کی مدد سے آٹھ گیندوں پر 13 اور مینک اگروال نے 12 گیندوں پر ایک چوکے کی مدد سے 12 رنز بنائے۔

      اس سے قبل پنجاب نے شاندار اور کسی ہوئی گیند بازی کی اور چنئی کو 134 کے کم اسکور تک روک دیا۔ ارشدیپ سنگھ، روی بشنوئی ، کرس جورڈن اور محمد سمیع نے اچھی بولنگ کی۔ ارشدیپ نے چار اوورز میں 35 رنز دے کر دو ، جورڈن نے تین اوورز میں 20 رنز دے کر دو ، سمیع نے چار اوورز میں 22 رن پر ایک اور بشنوئی نے چار اوورز میں 25 رن دے کر ایک وکٹ حاصل کیا۔

      پنجاب اس بڑی جیت کے ساتھ ساتویں سے پانچویں نمبر پر آگیا ہے۔ اس نے نہ صرف دو پوائنٹس حاصل کیے ہیں بلکہ نیٹ رن ریٹ میں بھی اضافہ کیا ہے۔ یہی نہیں ا س کے پلے آف میں پہنچنے کا امکان بھی بن سکتا ہے۔ دوسری طرف شکست کے ساتھ پوائنٹس ٹیبل میں چنئی کی جگہ میں کوئی تبدیلی نہیں آئی ہے ، لیکن اس کا نیٹ رن ریٹ دہلی کیپٹلز سے کم ہوگیا ہے جو کل تک اس سے بہتر تھا۔
      Published by:Imtiyaz Saqibe
      First published: