உங்கள் மாவட்டத்தைத் தேர்வுசெய்க

    IPL 2022 Head to Head: کے کے آر کیلئے مشکل رہی ہے سی ایس کے کی رکاوٹ کو پار کرنا، جانئے کہتے ہیں اعداد و شمار

    IPL 2022 Head to Head: کے کے آر کیلئے مشکل رہی ہے سی ایس کے کی رکاوٹ کو پار کرنا، جانئے کہتے ہیں اعداد و شمار (KKR Instagram)

    IPL 2022 Head to Head: کے کے آر کیلئے مشکل رہی ہے سی ایس کے کی رکاوٹ کو پار کرنا، جانئے کہتے ہیں اعداد و شمار (KKR Instagram)

    Chennai Super Kings vs Kolkata Knight Riders : آئی پی ایل 2022 کا آغاز ہفتہ کو چنئی سپر کنگز اور کولکتہ نائٹ رائیڈرز کے درمیان میچ سے ہوگا ۔ دونوں ٹیمیں گزشتہ سیزن کی فائنلسٹ ہیں، جہاں سی ایس کے نے کے کے آر کو شکست دے کر چوتھا خطاب جیتا تھا۔

    • Share this:
      نئی دہلی : آئی پی ایل 2022 کا آغاز ہفتہ کو چنئی سپر کنگز اور کولکتہ نائٹ رائیڈرز کے درمیان میچ سے ہوگا ۔ دونوں ٹیمیں گزشتہ سیزن کی فائنلسٹ ہیں، جہاں سی ایس کے نے کے کے آر کو شکست دے کر چوتھا خطاب جیتا تھا۔ آئی پی ایل میں اب تک چنئی اور کولکاتہ کے درمیان کھیلے گئے تمام میچوں میں سی ایس کے کو برتری حاصل رہی ہے۔

       

      یہ بھی پڑھئے : ایک اننگز میں دو ڈی آر ایس سے لے کر کورونا تک ، لیگ کے قوانین میں ہوئی یہ بڑی تبدیلیاں


      اعداد و شمار واضح طور پر کہتے ہیں کہ کے کے آر کے لئے سی ایس کے کے چیلنج پر قابو پانا کبھی بھی آسان نہیں رہا ہے ۔ تاہم اس مرتبہ دونوں ٹیمیں نئے کپتان کی قیادت میں میدان میں اتریں گی۔ چنئی کی قیادت رویندر جڈیجہ کریں گے تو وہیں کولکاتہ کی قیادت شریس ایئر کے ہاتھوں میں ہوگی۔

      پچھلے سیزن میں کے کے آر نے گنوائے تھے تینوں میچ

      دونوں ٹیموں کے ہیڈ ٹو ہیڈ کی بات کریں تو دونوں کے درمیان کل 26 میچ کھیلے گئے ہیں ، جن میں سے 17 میچ چنئی نے جیتے اور 8 میچ کولکتہ نے جیتے تھے ۔ جبکہ ایک میچ برابر رہا تھا ۔ آئی پی ایل 2021 میں دونوں ٹیمیں 3 مرتبہ آمنے سامنے ہوئیں۔ چنئی کی ٹیم تینوں میچوں میں حاوی رہی۔ ان 3 میچوں میں سے ایک وانکھیڑے اسٹیڈیم میں کھیلا گیا، جہاں ایم ایس دھونی کی قیادت میں سی ایس کے نے 220 رنز بنائے جس کے جواب میں کے کے آر نے 202 رنز بنائے تھے ۔

      پچھلے 5 میچوں میں کے کے آر ایک ہی میچ میں سی ایس کے پر جیت درج کرنے میں کامیاب رہی ہے۔ کے کے آر کے خلاف سی ایس کے کا سب سے زیادہ اسکور 220 رنز ہے، جب کہ کم از کم اسکور 55 رنز ہے۔ وہیں سی ایس کے کے خلاف کے کے آر کا سب سے زیادہ اسکور 202 رنز ہے، جبکہ 61 کم از کم اسکور ہے ۔

       

      یہ بھی پڑھئے : 3 ہیٹ ٹرک ... 166 وکٹیں ... نیلامی 2022 میں نہیں ملا خریدار تو چھلکا درد ، کہا : میں ابھی ختم نہیں ہوا ہوں


      چنئی سپر کنگز اسکواڈ: رویندر جڈیجہ (کپتان)، ایم ایس دھونی، ریتوراج گائیکواڈ، معین علی، امباتی رائیڈو، رابن اتھپا، ڈوین براوو، کرس جارڈن، شیوم دوبے، ڈیوون کانوے، سمرجیت سنگھ، ڈوین پریٹوریس، مچل سینٹنر، دیپک چاہر، ایڈم ملنے، راجیہ وردھن ہنگرگیکر، پرشانت سولنکی، مہیش تیکشنا، مکیش چودھری، کے ایم آصف، سی ہری نشانت، این جگدیشن، شوبھانشو سیناپتی، کے بھگت ورما، تشار دیش پانڈے۔

      کولکتہ نائٹ رائیڈرز ٹیم اسکواڈ : شریس ائیر (کپتان) وینکٹیش ایئر، سنیل نارائن، ورون چکرورتی، نتیش رانا، آندرے رسل، شیلڈن جیکسن، شیوم ماوی، بابا اندرجیت، اجنکیا رہانے، رنکو سنگھ، انوکول رائے، راسخ سلام، پیٹ کمنز، ابھیجیت تومر، پرتھم سنگھ، اشوک شرما، رمیش کمار، چمیکا کرونارتنے، ٹم ساؤدی، ایرون فنچ، سیم بلنگز، امیش یادو، محمد نبی ۔
      Published by:Imtiyaz Saqibe
      First published: