IPL 2023: آئی پی ایل فین پارکوں میں جمع ہوئے 60 ہزار شائقین، جیو سنیما نے کی لائیو اسٹریمنگ

نئی دہلی : امراوتی، گیا، پانی پت، ہزاری باغ، سیلم اور جام نگر میں کرکٹ کا جنون سر چڑھ کر بولا۔ ان شہروں میں قائم کئے گئے ٹاٹا آئی پی ایل فین پارکوں میں اس ہفتے کے آخر میں بہت زیادہ لوگ دیکھنے کو ملے۔ 60 ہزار سے زائد تماشائیوں نے فین پارکوں میں کرکٹ کا براہ راست لطف اٹھایا۔  جیو سنیما کے ذریعہ فین پارکوں میں آئی پی ایل میچوں کی ڈیجیٹل لائیو سٹریمنگ کی جارہی ہے۔  جیو سنیما کے پاس أئی پی ایل کے سرکاری ڈیجیٹل نشریاتی حقوق ہیں۔

ملک بھر میں کل 35 ایسے فین پارک بنائے جانے ہیں۔ ان فین پارکوں کا مقصد ہر انٹرنیٹ صارف تک کرکٹ لے جانا ہے۔ جیو سنیما اس اقدام کا حصہ ہے اور کمپنی نے اب تک 13 ریاستوں کے 21 شہروں میں قائم فین پارکوں میں لائیو کرکٹ ایکشن کو ڈیجیٹل طور پر اسٹریم کیا ہے۔

یہ پہلا موقع ہے کہ اتنے بڑے پیمانے پر کسی کھیل کے ایونٹ کو ڈیجیٹل طور پر نشر کیا جا رہا ہے۔ خیال رہے کہ ٹاٹا آئی پی ایل فین پارکوں میں داخلہ بالکل مفت ہے۔

یہ بھی پڑھئے: IPL 2023: ایک نو بال پڑی راجستھان کو بھاری، آخری گیند پر عبد الصمد نے چھکا مار کر حیدرآباد کو دلائی جیت

یہ بھی پڑھئے: IPL 2023: الٹی پینٹ پہن کر کھیلنے اتر گیا یہ طوفانی سلامی بلے باز، پھر دوڑا دوڑا گیا میدان سے باہر

میچ کے ساتھ ساتھ شائقین نے فین پارک میں فیملی زون، کڈز زون، فوڈ اینڈ بیوریجز اور جیو سینما ایکسپیریئنس زون سے بھی لطف اندوز ہوئے۔