'ہمارے یہاں عمران ملک جیسے بہت ہیں....' ایسا کہنے والے پاکستانی گیندباز کی عرفان پٹھان نے کی بولتی بند

نئی دہلی: پاکستان کے تیز گیند باز سہیل خان اکثر ہندوستانی کھلاڑیوں پر عجیب و غریب تبصرے کرتے رہتے ہیں۔ وراٹ کوہلی پر تبصرہ کرنے کے بعد چند روز پہلے انہوں نے ہندوستانی ٹیم کے تیز گیندباز عمران ملک کے بارے میں ایک عجیب بات کہی تھی، جس پر سابق ہندوستانی آل راؤنڈر عرفان پٹھان نے سہیل کو کرارا جواب دیا ہے۔

دراصل نادر علی کے ایک پوڈ کاسٹ میں سہیل خان نے عمران ملک کے بارے میں کہا تھا کہ عمران ایک باصلاحیت تیز گیند باز ہیں، لیکن پاکستان کی ڈومیسٹک کرکٹ میں ان جیسے بہت سارے گیند باز ہیں۔ میں آپ کو 12 سے 15 نام گنوا سکتا ہوں۔ اگر آپ لاہور قلندرز کے ذریعہ منعقدہ ٹرائلز میں جائیں تو آپ کو بہت سے ایسے کھلاڑی ملیں گے جو عمران جیسے ہیں۔

اس بیان پر ہندوستان کے ریٹائرڈ میجر گورو آریہ نے عرفان پٹھان کی مثال دیتے ہوئے ایک ٹویٹ کیا، جس کا عرفان نے شاندار جواب دیا ۔



سہیل کے بیان سے ناراض سابق کرکٹر عرفان پٹھان نے میجر گورو آریہ کے ٹویٹ کا جواب دیا: میجر صاحب ایسے بیانات دے کر انہیں توجہ چاہئے، نظرانداز کیجئے۔

یہ بھی پڑھئے: عمران ملک کے تلک نہیں لگانے کے تنازعہ کے بعد سامنے آئی نئی تصویر، ناقدین کوملا کرارا جواب

یہ بھی پڑھئے: بی سی سی آئی سے پنگا لینا پڑا مہنگا، پاکستان میں نہیں ہوگا ایشیا کپ کا انعقاد!

2003-2004 میں عرفان پٹھان نے ہندوستان اور آسٹریلیا کے درمیان اپنی پہلی سیریز میں اچھی کارکردگی کا مظاہرہ کیا تھا۔ اس دوران ہر طرف ان کی بحث ہورہی تھی ، جس پر پاکستان کے سابق کوچ جاوید میانداد نے کہا تھا کہ عرفان پٹھان جیسے گیندباز پاکستان کی ہر گلی میں پائے جاتے ہیں ۔