ہندوستان اور پاکستان کے درمیان نہیں ہونے دوں گا ٹی ٹوینٹی ورلڈ کپ کا فائنل، انگلینڈ کے کپتان نے کیا بڑا اعلان

نئی دہلی : ٹی ٹوینٹی ورلڈ کپ کا فائنل ہندوستان اور پاکستان کے درمیان ہو ، یہ صرف دنوں ملکوں کے فینس کی ہی نہیں بلکہ کرکٹ کے ہر چاہنے والے کی خواہش ہے ، لیکن انگلینڈ کے کپتان جوس بٹلر اس راہ میں روڑہ ثابت ہوسکتے ہیں ۔ انہوں نے اعلان کردیا ہے کہ ہندوستان اور پاکستان کے درمیان ٹی ٹوینٹی ورلڈ کپ کا فائنل نہ ہو، اس کیلئے وہ ہر کوشش کریں گے ۔ اس کا مطلب یہی کہ وہ سیمی فائنل میں ہندوستان کو ہرانے کیلئے پورا زور لگادیں گے ۔ بتادیں کہ ٹی ٹوینٹی ورلڈ کپ کا دوسرا سیمی فائنل ہندوستان اور انگلینڈ کے درمیان دس نومبر کو ایڈیلیڈ میں کھیلا جائے گا ۔ اس سے ٹھیک پہلے انگلینڈ کے کپتان نے یہ بات کہی ہے ۔

انگلینڈ کے کپتان جوس بٹلر نے کہا کہ ہم نہیں چاہتے ہیں کہ ہندوستان ۔ پاکستان کے درمیان ٹی ٹوینٹی ورلڈ کپ کا فائنل ہو، اس لئے ہم یہ یقینی بنانے کی پوری کوشش کریں گے کہ ایسا نہ ہو ۔ ہندوستان کے خلاف سیمی فائنل سے پہلے انگلینڈ کے خیمہ میں کیسا ماحول ہے؟ اس پر بٹلر نے کہا کہ ہم خطاب کی مضبوط دعویدار ہندوستان کے خلاف مقابلہ کیلئے پوری طرح سے تیار ہیں اور کھلاڑی پرجوش ہیں ۔ اب انگلینڈ کے کپتان بٹلر کی اس بات میں کتنا دم ہے، اس کا پتہ تو سیمی فائنل کے دن ہی لگے گا، لیکن اتنا طے ہے کہ ہندوستان کے خلاف مقابلہ سخت ہوگا ۔

بٹلر نے مزید کہا کہ ہم ہندوستان کے خلاف دنیا کے بہترین اسٹیڈیموں میں سے ایک ایڈیلیڈ اوول میں سیمی فائنل کھیلنے کو لے کر پرجوش ہیں ۔ یہاں ہندوستان کے حامی بڑی تعداد میں رہیں گے ۔ یہ ایک کھلاڑی کے طور پر بڑا موقع ہوگا، کیونکہ آپ ایسے ہی کسی میچ کا حصہ بننا چاہتے ہیں ۔

یہ بھی پڑھئے: ہندوستان کیلئے سب سے بڑا 'خطرہ' ہے انگلینڈ کا یہ گیند باز، IPL میں بھی لے چکا ہے ہیٹ ٹرک

یہ بھی پڑھئے: نیدرلینڈس کے کپتان نے پاکستانی کپتان بابراعظم کو دیا خاص پیغام، کہی یہ بات، دیکھئے ویڈیو

انگلینڈ کے کپتان نے ڈیوڈ ملان اور مارک ووڈ کی چوٹ کو لے کر اپ ڈیٹ دیا ۔ یہ دونوں سیمی فائنل سے پہلے زخمی ہوگئے تھے ۔ بٹلر نے کہا کہ ہم انہیں پورا آرام کا موقع دے رہے ہیں ۔