உங்கள் மாவட்டத்தைத் தேர்வுசெய்க

    انگلینڈ کے آل راونڈر کھلاڑی معین علی نے ٹیسٹ کرکٹ سے ریٹائرمنٹ کا کیا اعلان

    انگلینڈ کے آل راونڈر کھلاڑی معین علی نے ٹیسٹ کرکٹ سے ریٹائرمنٹ کا کیا اعلان ۔ تصویر : آئی سی سی ٹویٹر ۔

    انگلینڈ کے آل راونڈر کھلاڑی معین علی نے ٹیسٹ کرکٹ سے ریٹائرمنٹ کا کیا اعلان ۔ تصویر : آئی سی سی ٹویٹر ۔

    انگلینڈ کے آل راؤنڈر معین علی نے ٹیسٹ کرکٹ سے ریٹائرمنٹ لے لی ہے۔ تاہم وہ وائٹ بال کرکٹ میں قومی ٹیم کے لیے کھیلتے رہیں گے۔ انگلینڈ اینڈ ویلز کرکٹ بورڈ (ای سی بی) نے پیر کو اس کی تصدیق کی ہے۔

    • UNI
    • Last Updated :
    • Share this:
      ابوظہبی : انگلینڈ کے آل راؤنڈر معین علی نے ٹیسٹ کرکٹ سے ریٹائرمنٹ لے لی ہے۔ تاہم وہ وائٹ بال کرکٹ میں قومی ٹیم کے لیے کھیلتے رہیں گے۔ انگلینڈ اینڈ ویلز کرکٹ بورڈ (ای سی بی) نے پیر کو اس کی تصدیق کی ہے۔ معین نے ایک بیان میں کہا کہ ’’میں ابھی 34 سال کا ہوں اور میں جتنا ہو سکے کھیلنا چاہتا ہوں اور صرف اپنے کرکٹ سے لطف اندوز ہونا چاہتا ہوں۔ ٹیسٹ کرکٹ شاندار ہے، جب آپ کا دن اچھا ہوتا ہے تو یہ کسی بھی دوسرے فارمیٹ سے بہتر ہوتا ہے، یہ زیادہ فائدہ مند ہوتا ہے اور آپ کو لگتا ہے کہ آپ نے واقعی یہ حاصل کیا ہے۔"

      34 سالہ آل راؤنڈر نے کہا کہ "میں اپنے ساتھیوں اور اس جوش کے ساتھ دنیا کی بہترین ٹیموں کے خلاف ٹیسٹ کرکٹ کھیلنے کو یادکروں گا۔ یہ جانتے ہوئے کہ میں اپنی بہترین گیند سے کسی کو بھی آؤٹ کر سکتا تھا، گیندبازی کے نظریے سے بھی ٹیسٹ کو یاد کروں گا۔ میں نے ٹیسٹ کرکٹ کا لطف اٹھایا ہے، لیکن وہ شدت بعض اوقات بہت زیادہ ہو سکتی ہے اورمجھے لگتا ہے کہ میں نے ٹیسٹ میں جوحاصل کیا ہے اس سے خوش اورمطمئن ہوں۔ ”

      قابل ذکر ہے کہ کئی سالوں سے ٹیسٹ میں انگلینڈ کے اہم اسپن متبادل کے طور پر نہ کھیلنے والے معین نے 2014 میں لارڈس میں سری لنکا کے خلاف ٹیسٹ کرکٹ میں ڈیبیو کیا تھا۔ اپنے دوسرے ٹیسٹ میں گرچہ انہوں نے سنچری بنائی ہو، لیکن معین نے اپنا ٹیسٹ کیریئر 28.29 کی بیٹنگ اوسط سے ختم کیا ہے۔ 2016 ان کے لیے ایک یادگار سال ثابت ہوا تھا، جس میں انہوں نے اپنے نام مزید چار سنچریاں شامل کیں۔

      اگر چہ اس کے بعد وہ سنچری نہیں بناپائے، لیکن وہ گیند کے ساتھ بہتر رہے۔ انہوں نے 2017 میں ہوم ٹیسٹ سیریز میں جنوبی افریقہ کے خلاف ہیٹ ٹرک لی اور پوری سیریز میں 25 وکٹ لینے پر انہیں پلیئرآف دی سیریزقرار دیا گیا۔ 2019 میں انہیں انگلینڈ کے لیے سینٹرل کنٹریکٹڈ ٹیسٹ کھلاڑیوں کی فہرست سے نکال دیا گیا، جس کے بعد انہوں نے ٹیسٹ کرکٹ سے بریک لے لیا۔

      معین نے 64 ٹیسٹ میچوں میں 2914 رنز اور 195 وکٹیں حاصل کی ہیں، حالانکہ وہ اس فارمیٹ میں 3 ہزار رنز اور 200 وکٹ لینے کی حصولیابی حاصل کرنے والے اوورآل 15 ویں کھلاڑی بننے سے کچھ دوررہ گئے۔
      Published by:Imtiyaz Saqibe
      First published: