Women's World Cup 2022 :میچ سے پہلے ٹوائلیٹ میں پھنس گئی آسٹریلیا کی یہ مشہور کرکٹر، سنائی آب بیتی

آسٹریلیا کی خاتون کرکٹر نکولا کیری (Nicola Carey) ویسٹ انڈیز کے خلاف وارم اپ میچ سے پہلے غلطی سے ٹوائلیٹ میں بند ہوگئی تھیں ۔ اس بات پر ٹیم نے ناراضگی بھی ظاہر کی ۔ نکولا کیری فی الحال آسٹریلیا کی خاتون ٹیم کے ساتھ ہیں ، جو ون ڈے ورلڈ کپ  (Women’s ODI World Cup-2022) کھیلنے کیلئے نیوزی لینڈ میں ہے ۔ ٹورنامنٹ کا آغاز چار مارچ سے ہونے والا ہے ۔

نکولا کیری نے خود اس بات کی جانکاری دی کہ کس طرح ٹوائلیٹ میں پھنس گئی تھیں ۔ آسٹریلیا اور ویسٹ انڈیز کے درمیان اتوار 27 فروری کو وارم اپ میچ کھیلا گیا ۔ اس میچ سے پہلے نکولا کیری تقریبا 20 منٹ تک ٹوائلیٹ میں پھنسی رہیں ۔ کیری نے بعد میں بتایا کہ وہ کس طرح اس کیوبکل میں پھنس گئی تھیں ۔ کچھ لوگوں نے ان کی مدد کی اور نکولا کو مشکل حالات سے باہر نکالا ۔ جب انہوں نے ٹیم کی ساتھیوں کو یہ بتایا تو ہر کوئی ان کی غلطی پر ہنس رہا تھا ۔

کرکٹ آسٹریلیا نے ایک ویڈیو کلپ پوسٹ کیا ہے ، جس میں 28 سال کی نکولا نے کہا کہ میں میدان پر پہنچ گئی تھی ، پھر مجھے ٹوائلیٹ جانا پڑا ۔ میں نے اندر سے دروازہ بند کرلیا ، لیکن بعد میں باہر نہیں نکل پائی ۔ اس معاملہ پر کرکٹ ورلڈ کپ کی سربراہ اینڈریا نے کہا کہ دروازہ جام ہوگیا تھا ، اس لئے مجھے ملس ( ٹیم مینیجر) کو بلانا پڑا ، پھر کچھ لوگوں کی مدد سے دورازہ کھولا گیا ۔

Nic Carey got stuck (literally) in a less than ideal spot during yesterday’s warm-up!

Ash Gardner has the details from Christchurch 🥶🤣 pic.twitter.com/wi7XhdnHZu

— Australian Women's Cricket Team 🏏 (@AusWomenCricket) February 28, 2022

بعد میں نکولا کیری نے ویسٹ انڈیز کے خلاف وارم اپ میچ بھی کھیلا ، جس میں آسٹریلیا نے 90 رنوں سے جیت حاصل کی ۔ آسٹریلیائی ٹیم نے سات وکٹ پر 259 رن بنائے ، جس کے جواب میں ویسٹ انڈیز کی ٹیم 50 اوورس میں نو وکٹ پر 169 رن ہی بنا سکی ۔