پاکستان اور نیوزی لینڈ کے درمیان کب شروع ہوگی ون ڈے سیریز، جانئے کب اور کیسے دیکھیں لائیو میچ

نئی دہلی: پاکستان اور نیوزی لینڈ کے درمیان ٹیسٹ سیریز ڈرا پر ختم ہوئی۔ دونوں ٹیمیں اب ایک دوسرے کے خلاف ون ڈے سیریز کھیلنے کے لئے تیار ہیں۔ پاکستان اور نیوزی لینڈ کے درمیان ون ڈے سیریز 9 جنوری سے شروع ہوگی۔ دونوں ٹیموں کے درمیان کل 3 میچ کھیلے جائیں گے۔ تمام میچز کراچی میں کھیلے جائیں گے۔ دونوں ٹیمیں ہندوستان میں ہونے والے ون ڈے ورلڈ کپ 2023 کے لئے کوالیفائی کر چکی ہیں۔

دونوں ٹیمیں اس سیریز کو ون ڈے ورلڈ کپ کی تیاری کے طور پر دیکھیں گی۔ سال 2019 کے ون ڈے ورلڈ کپ کی بات کریں تو نیوزی لینڈ کی ٹیم پاکستان سے آگے تھی۔ نیوزی لینڈ کا سفر پوائنٹس ٹیبل میں چوتھے نمبر پر ختم ہوا تھا جبکہ پاکستان کی ٹیم پانچویں نمبر پر رہی تھی۔

ون ڈے میچ کب اور کہاں کھیلے جائیں گے :

پہلا ون ڈے: (9 جنوری) - نیشنل بینک ایرینا، کراچی

دوسرا ون ڈے: (11 جنوری) - نیشنل بینک ایرینا، کراچی

تیسرا ون ڈے: (13 جنوری) - نیشنل بینک ایرینا، کراچی

پاکستانی اسکواڈ :

بابر اعظم، فخر زمان، حارث رؤف، حارث سہیل، امام الحق، کامران غلام، محمد حسنین، محمد نواز، محمد رضوان (وکٹ کیپر)، محمد وسیم، نسیم شاہ، سلمان آغا، شاہنواز دہانی، شان مسعود ، طیب طاہر، اسامہ میر

نیوزی لینڈ اسکواڈ :

کین ولیمسن (کپتان)، ٹام لیتھم، فن ایلن، مائیکل بریسویل، ڈیون کانوے، لوکی فرگوسن، بلیئر ٹکنر، ڈیرل مچیل، ہینری نکولس، گلین فلپس، مچیل سینٹنر، ہینری شپلی، ایش سودھی، ٹم ساؤتھی ۔

یہ بھی پڑھئے: نسیم شاہ کا بلے بازی پلان جان کر رہ جائیں گے حیران! جانئے ٹم ساوتھی کو کیسے ڈرایا؟

یہ بھی پڑھئے: شعیب ملک سے طلاق کی خبروں کے درمیان ثانیہ مرزا کا بڑا فیصلہ، کرنے جارہی ہیں یہ کام

لائیو میچ کہاں دیکھیں :

پاکستان اور نیوزی لینڈ کے درمیان ون ڈے سیریز کے سبھی میچز سونی اسپورٹس نیٹ ورک کے چینلز پر براہ راست نشر کئے جائیں گے۔ آپ سونی لائیو ایپ پر بھی ان میچوں سے لطف اندوز ہو سکتے ہیں ۔