کامران اکمل نے بھائی کیلئے کپتان سے لگائی امید، کیا بابر اعظم سنیں گے سابق کرکٹر کی گزارش؟

نئی دہلی : پاکستان کے سابق وکٹ کیپر بلے باز کامران اکمل نے اپنے چھوٹے بھائی عمر اکمل کی واپسی کیلئے گزارش کی ہے ۔ کامران کا خیال ہے کہ عمر کی مسلسل کارکردگی کے باوجود بورڈ انہیں نظر انداز کر رہا ہے۔ عمر اکمل نے حال ہی میں ختم ہوئے پاکستان کپ اور پاکستان سپر لیگ میں قابل ستائش کارکردگی کا مظاہرہ کیا تھا، اس کے باوجود ان کی کارکردگی کو نظر انداز کیا جا رہا ہے۔

سابق کرکٹر نے یہ بھی کہا کہ ٹیم کا انتخاب صرف کپتان کے مشورے پر کیا جاتا ہے۔ ٹیم کے موجودہ کپتان بابر اعظم سے گزارش کرتا ہوں کہ عمر اکمل کو قومی ٹیم میں کھیلنے کا موقع دیا جائے۔ ڈومیسٹک لیول کے ٹورنامنٹ رمضان کرکٹ میں شرکت کے دوران مقامی میڈیا سے خصوصی گفتگو کرتے ہوئے کامران نے کہا کہ ایشیا کپ اور ورلڈ کپ کے دن کافی قریب ہیں۔ عمر جیسے کھلاڑی کو ٹیم میں رکھنا انتہائی ضروری ہے۔ یہ سلیکشن کمیٹی، عملے اور کپتان پر منحصر ہے کہ وہ عمر کی صلاحیت کو پہچانیں اور انہیں ٹیم میں شامل کریں۔

کامران اکمل کا مزید کہنا تھا کہ قومی ٹیم کا انتخاب کپتان کے مشورے پر کیا جاتا ہے۔ ضروری ہے کہ عمر کو ایک موقع دیا جائے۔ اگر کارکردگی کی بنیاد پر عماد وسیم کی واپسی ہوسکتی ہے، تو عمر کو بھی موقع دیا جانا چاہئے۔

یہ بھی پڑھئے: بابر اعظم نے لائیو میچ میں سائمن ڈول اور عامر سہیل کے درمیان کرادی 'جنگ'، دیکھئے ویڈیو

یہ بھی پڑھئے: وراٹ نے بچایا پاکستان کے کرکٹر کا گھر، توڑ پھوڑ کر کے لگادی جاتی آگ، لیجنڈ نے کیا انکشاف

عمر اکمل کا کرکٹ کریئر

32 سالہ عمر اکمل بین الاقوامی کرکٹ میں اب تک کل 221 میچ کھیل چکے ہیں۔ اس دوران 219 اننگز میں ان کے بلے سے 5887 رنز نکلے ہیں۔ عمر کے ٹیسٹ کرکٹ میں 1003، ون ڈے میں 3194 اور ٹی ٹوینٹی انٹرنیشنل کرکٹ میں 1690 رنز ہیں۔