உங்கள் மாவட்டத்தைத் தேர்வுசெய்க

    PSL 2022: شاہد آفریدی ٹیم کے میچ سے ایک دن پہلے کورونا پازیٹیو، ایک کپتان بھی متاثر

    PSL 2022: شاہد آفریدی ٹیم کے میچ سے ایک دن پہلے کورونا پازیٹیو، ایک کپتان بھی متاثر  (Shoaib Akhtar/Twitter)

    PSL 2022: شاہد آفریدی ٹیم کے میچ سے ایک دن پہلے کورونا پازیٹیو، ایک کپتان بھی متاثر (Shoaib Akhtar/Twitter)

    PSL 2022: پاکستان سپر لیگ کے سیزن 7 کا جمعرات کی شام سے آغاز ہو رہا ہے ۔ لیکن اس سے پہلے ہی لیگ سے وابستہ کھلاڑیوں کے کورونا سے متاثر ہونے کی خبریں سامنے آنی شروع ہو گئی ہیں ۔

    • Share this:
      نئی دہلی : پاکستان سپر لیگ کے سیزن 7 کا جمعرات کی شام سے آغاز ہو رہا ہے ۔ لیکن اس سے پہلے ہی لیگ سے وابستہ کھلاڑیوں کے کورونا سے متاثر ہونے کی خبریں سامنے آنی شروع ہو گئی ہیں ۔ پشاور زلمی کے کپتان وہاب ریاض کے کورونا پازیٹیو آنے کے بعد اب کوئٹہ گلیڈی ایٹرز کے آل راؤنڈر شاہد آفریدی (Shahid Afridi) بھی متاثر پائے گئے ہیں ۔ وہاب ایک روز قبل کورونا سے متاثر پائے گئے تھے اور فی الحال آئسولیشن میں ہیں ۔ اب وہ جمعہ کو آفریدی کی ٹیم کوئٹہ گلیڈی ایٹرز کے خلاف ٹیم کے افتتاحی میچ میں نہیں کھیلیں گے ۔ ان کی جگہ شعیب ملک ٹیم کی قیادت کریں گے۔ پاکستان سپر لیگ کا پہلا میچ جمعرات کی شام کراچی کنگز اور ملتان سلطانز کے درمیان کھیلا جائے گا ۔

      ادھر کراچی کنگز کے سابق کپتان عماد وسیم اور غیر ملکی کھلاڑی جورڈن تھامسن بھی لیگ شروع ہونے سے چند گھنٹے قبل کورونا پازیٹو پائے گئے ہیں ۔

      شاہد آفریدی کو اب 7 دنوں تک آئسولیشن میں رہنا ہوگا اور منفی رپورٹ آنے کے بعد ہی وہ اپنی ٹیم کوئٹہ گلیڈی ایٹرز کی ٹیم میں شامل ہو سکیں گے ۔ آفریدی لیگ کے پہلے 4 میچوں میں نہیں اتر پائیں گے ۔ یہ دوسری مرتبہ ہے کہ آفریدی کورونا کا شکار ہوئے ہیں ۔ آخری مرتبہ جون 2020 میں وہ وبا کے دوران لوگوں کی مدد کرتے ہوئے وائرس کا شکار ہوگئے تھے ۔

      شاہد نے ٹویٹ کرکے اپنے کورونا متاثر ہونے کی اطلاع دی ۔ انھوں نے لکھا : بدقسمتی سے میری کورونا رپورٹ مثبت آئی ہے ، لیکن کوئی علامت نہیں ہے ۔ انشاء اللہ جلد ٹھیک ہونے کی امید ہے ۔ منفی رپورٹ آنے کے بعد میں جلد از جلد کوئٹہ گلیڈی ایٹرز کی ٹیم کو جوائن کروں گا۔ #HBLPSL7 میں شامل تمام ٹیموں کو میری نیک خواہشات ۔ میں اپنے آخری پاکستان سپر لیگ ٹورنامنٹ میں اپنا سب کچھ دینے کے لیے پرعزم ہوں۔


      آفریدی نے بایو ببل چھوڑا تھا

      آفریدی نے کمر میں درد کے باعث پی ایس ایل کا بائو ببل چھوڑ دیا تھا ۔ وہ بدھ کو میڈیکل چیک اپ کیلئے گئے تھے ، لیکن اس کے بعد ان کے کورونا ٹیسٹ کی رپورٹ مثبت آئی ہے ۔ وہ فی الحال گھر میں آئیسولیٹ ہیں ۔
      Published by:Imtiyaz Saqibe
      First published: