உங்கள் மாவட்டத்தைத் தேர்வுசெய்க

    بڑی خبر! راہل دراوڑ بنے ٹیم انڈیا کے ہیڈ کوچ، نیوزی لینڈ سیریز سے سنبھالیں گے کمان

    بڑی خبر! راہل دراوڑ بنے ٹیم انڈیا کے ہیڈ کوچ، نیوزی لینڈ سیریز سے سنبھالیں گے کمان (AFP)

    بڑی خبر! راہل دراوڑ بنے ٹیم انڈیا کے ہیڈ کوچ، نیوزی لینڈ سیریز سے سنبھالیں گے کمان (AFP)

    Team India New Coach : دراوڑ ورلڈ کپ کے بعد نیوزی لینڈ کے خلاف ہونے والی گھریلو سیریز سے ٹیم کی کمان سنبھالیں گے ۔ راہل دراوڑ فی الحال بنگلورو میں نیشنل کرکٹ اکیڈمی کے سربراہ کے طور پر کام کررہے ہیں ۔

    • Share this:
      نئی دہلی : ہندوستانی کرکٹ ٹیم کے سابق کپتان راہل دراوڑ ٹیم انڈیا نے نئے ہیڈ کوچ ہوں گے ۔ ٹی ٹوینٹی ورلڈ کپ کے بعد موجودہ کوچ روی شاستری کی مدت کار ختم ہورہی ہے ۔ دراوڑ ورلڈ کپ کے بعد نیوزی لینڈ کے خلاف ہونے والی گھریلو سیریز سے ٹیم کی کمان سنبھالیں گے ۔ راہل دراوڑ فی الحال بنگلورو میں نیشنل کرکٹ اکیڈمی کے سربراہ کے طور پر کام کررہے ہیں ۔ کئی جونیئر کھلاڑیوں کو تیار کرنے کا کریڈٹ انہیں دیا جاتا ہے ۔ دراوڑ کا قرار پہلے 2023 تک کیلئے ہوگا۔

      دراوڑ کے بھروسہ بھند پارس مہامبرے کو ٹیم انڈیا کا گیند بازی کوچ بنایا جاسکتا ہے ۔ اس کے علاوہ وکرم راٹھور ٹیم کے بلے بازی کوچ بنے رہیں گے جبکہ فیلڈنگ کوچ آر شری دھر کے بدلاو کو لے کر کوئی نام اب تک طے نہیں ہوا ہے ۔ راٹھور نے دوبارہ بلے بازی کوچ عہدہ کیلئے اپلائی بھی کردیا ہے ۔

      دراوڑ کو بطور تنخواہ 10 کروڑ روپے ملیں گے ۔ انہیں گزشتہ ماہ ہی این سی اے سربراہ کے طور پر پھر سے منتخب کیا گیا تھا ، لیکن ہندوستانی کرکٹ کو آگے لے جانے کیلئے بی سی سی آئی کو ایک مضبوط امیدوار کی ضرورت تھی ۔ گنگولی اور جے شاہ کی نظر میں یہ کام دراوڑ سے بہتر کوئی انجام نہیں دے سکتا تھا ۔ اس لئے انہیں اس رول کیلئے منتخب کیا گیا ۔

      راہل دراوڑ نیوزی لینڈ سیریز سے یہ ذمہ داری سنبھال لیں گے ۔ ٹیم انڈیا کو نومبر دسمبر میں نیوزی لینڈ سے تین ٹی ٹوینٹی اور دو ٹیسٹ کی سیریز کھیلنی ہے ۔
      Published by:Imtiyaz Saqibe
      First published: