ہوم » نیوز » اسپورٹس

راہل دراوڑ کے گھر میں زبردستی گھسی انجان لڑکی ، کہا : میں اب تمہیں چھوڑ کر نہیں جاوں گی

راہل دراوڑ نے بتایا کہ میں نے اس لڑکی سے بات چیت کی اور اس کے بعد اس نے گھر سے جانے سے ہی انکار کردیا ۔

  • Share this:
راہل دراوڑ کے گھر میں زبردستی گھسی انجان لڑکی ، کہا : میں اب تمہیں چھوڑ کر نہیں جاوں گی
راہل دراوڑ کے بارے میں عرفان نے کہا کہ 2007 کے ورلڈ کپ میں ٹیم کے باہر ہونے کے بعد صرف دراوڑ نے ہی دھونی کے حوصلے بلند کئے تھے۔

کرکٹ کھلاڑیوں کو فینس کافی پیار کرتے ہیں اور وہ ان کی پوجا تک کرتے ہیں ۔ حالانکہ کچھ فینس تو حد سے آگے بڑھ اجاتے ہیں ، جس کی وجہ سے کرکٹر اکثر پریشان بھی ہوجاتے ہیں ۔ کچھ ایسا ہی ٹیم انڈیا کے سابق کپتان اور دیوار  کے نام سے مشہور راہل دراوڑ  (Rahul Dravid) کے ساتھ بھی ہوا تھا ۔ راہل دراوڑ نے ایک انٹرویو میں انکشاف کیا تھا کہ ان کے گھر پر ایک انجان لڑکی آگئی تھی اور اس نے اپنا گھر بار سب کچھ چھوڑ دیا تھا ۔


راہل دراوڑ نے وکرم سٹھائے کے ساتھ ایک انٹرویو میں بتایا تھا کہ ایک خاتون فین کا واقعہ وہ زندگی میں کبھی نہیں بھول پائیں گے ۔ راہل دراوڑ نے بتایا کہ جب وہ نئے نئے کرکٹر بنے تھے ، تو ان کے والدین ہر فین کو گھر کے اندر داخل ہونے دیتے تھے اور اس وجہ سے راہل دراوڑ کو ان سے ملنا پڑتا تھا ۔ ایک مرتبہ حیدرآباد سے ایک لڑکی راہل دراوڑ کے گھر پر آگئی ۔ راہل دراوڑ نے کہا کہ میں ایک دورے سے آیا تھا اور دن میں اپنے گھر میں سورہا تھا ۔ جب میں اٹھا تو میرے والدین نے کہا کہ تم سے ملنے ایک فین حیدرآباد سے آئی ہے ۔ وہ یہاں ڈیڑھ گھنٹے سے انتظار کررہی ہے ۔ مجھے لگا کہ وہ صرف میرا آٹوگراف اور فوٹو لے کر چلی جائے گی ۔


راہل دراوڑ نے مزید بتایا کہ میں نے اس لڑکی سے بات چیت کی اور اس کے بعد اس نے گھر سے جانے سے ہی انکار کردیا ۔ اس نے بتایا کہ میں اپنا گھر چھوڑ کر یہاں آئی ہوں اور اب میں آپ کے ساتھ ہی رہوں گی ۔ اس کے ساتھ کافی بات چیت کی اور آخر میں پولیس بلانی پڑگئی ، جس کے بعد ہی وہ گھر سے گئی ۔ ہم نے اس کے والدین کو بھی بتادیا ۔


راہل دراوڑ نے بتایا کہ اس واقعہ کے بعد ان کے والدین کی آنکھیں کھل گئیں اور پھر وہ کسی بھی فین کو گھر کے اندر نہیں آنے دیتے تھے ۔ بتادیں کہ راہل اپنے زمانہ میں لڑکیوں کے درمیان کافی مشہور تھے ۔ راہل دراوڑ کئی ٹی وی اشتہارات میں بھی آتے تھے ، جس کی وجہ سے ان کی مقبولیت میں مزید اضافہ ہوا تھا ۔ راہل دراوڑ کو ٹیم انڈیا کا چاکلیٹی بوائے کہا جاتا تھا اور وہ اس کے ساتھ ساتھ کافی پرسکون طبیعت کے شخص تھی تھے ، جس کی وجہ سے فینس انہیں اور بھی زیادہ پسند کرتے تھے ۔
First published: May 04, 2020 09:24 PM IST
corona virus btn
corona virus btn
Loading