ہندوستان - بمقابلہ آسٹریلیا : فیصلہ کن میچ میں ٹیم انڈیا کو جیت کیلئے ملا 273 رنوں کا ہدف

پانچ ون ڈے میچوں کی سیریز کا پانچواں اور آخری میچ آج دہلی کے فیروز شاہ کوٹلہ میدان میں کھیلا جارہا ہے ۔ آسٹریلیا نے ٹاس جیت کر پہلے بلے بازی کرتے ہوئے مقررہ 50 اوورس میں 9 وکٹ کے نقصان پر 272 بن بنائے ہیں اور ہندوستان کو جیت کیلئے 273 رنوں کا ہدف دیا ہے ۔

آسٹریلیا کی جانب سے ایک مرتبہ پھر سلامی بلے باز عثمان خواجہ نے شاندار بیٹنگ کی اور سنچری بنائی ۔ انہوں نے 106 گیندوں میں دو چھکے اور 10 چوکوں کی مدد سے 100 بنائے ۔ اس کے علاوہ ہینڈسکمب نے 60 گیندوں میں چار چوکوں کی مدد سے 52 رن کی اننگز کھیلی ۔ کپتان فنچ نے 27 رن ، میکسویل نے ایک رن ، اسٹونس نے 20 رن ، ٹرنر نے 20 رن ، کیری نے تین رن ، ریچرڈسن نے 29 رن ، کمنس نے 15 رن او رلائن نے ایک رن بنائے۔

ہندوستان کی جانب سے بھونیشور کمار نے تین وکٹ ، سمیع اور جڈیجہ نے دو دو وکٹ جبکہ کلدیپ یادو نے ایک وکٹ حاصل کیا ۔ خیال رہے کہ پانچ میچوں کی سیریز میں ہندوستان اور آسٹریلیا دونوں نے دو دو میچ جیتے ہیں۔

یہ بھی پڑھیں : گولی کی رفتار سے جارہی تھی گیند کو وراٹ کوہلی نے پکڑا ، پھر گیند پٹکتے ہوئے کردی ایسی حرکت !۔