ہوم » نیوز » اسپورٹس

لیجنڈ کرکٹر شاہد آفریدی کا داماد بنے گا پاکستان کا یہ تیز گیند باز ، جلد ہوگی منگنی

پاکستانی میڈیا کی رپورٹس میں دعوی کیا جارہا ہے کہ شاہد آفریدی کی بیٹی اقصی کی منگنی جلد ہی پاکستانی تیز گیند باز شاہین شاہ آفریدی سے ہونے والا ہے ۔

  • Share this:
لیجنڈ کرکٹر شاہد آفریدی کا داماد بنے گا پاکستان کا یہ تیز گیند باز ، جلد ہوگی منگنی
لیجنڈ کرکٹر شاہد آفریدی کا داماد بنے گا پاکستان کا یہ تیز گیند باز ، جلد ہوگی منگنی

پاکستان کے سپراسٹار آل راونڈر شاہد آفریدی اب جلد ہی پاکستانی کرکٹ ٹیم کے تیز گیند باز شاہین شاہ آفریدی کے سسر بننے والے ہیں ۔ شاہد آفریدی نے خود اس بات کی تصدیق کی ہے کہ شاہین شاہ کی فیملی اور ان کی فیملی کے درمیان رشتہ کو لے کر رابطہ کیا گیا ہے ۔ تاہم اگر پاکستانی میڈیا رپورٹس کی مانیں تو شاہد آفریدی کی بیٹی اور تیز گیند باز کی منگنی جلد ہی ہونے والی ہے ۔ خبروں کے مطابق دونوں کے کنبے رشتے کیلئے تیارے ہوگئے ہیں اور جلد ہی شاہین اور اقصی کی منگنی ہونے والی ہے ۔


شاہد آفریدی نے ایک ٹویٹ کرکے بتایا کہ دونوں خاندان رابطے میں ہیں، جوڑے آسمانوں پر بنتے ہیں اور اگر اللہ تعالیٰ کی مرضی ہوگی تو یہ جوڑی بھی بن جائے گی ۔ آفریدی کا مزید کہنا تھا کہ میری دعائیں ہیں کہ شاہین آفریدی کرکٹ میں اور کرکٹ کے علاوہ بھی مسلسل کامیابیاں حاصل کریں۔



شاہد آفریدی کے ٹویٹ کے بعد شاہین شاہ آفریدی نے بھی ایک ٹویٹ کیا اور لکھا کہ لالہ ، دعاؤں کیلئے آپ کا شکریہ ، اللہ سب کے لئے آسانیاں پیدا کرے ، آپ قوم کا فخر ہیں ۔


ادھر پاکستانی میڈیا رپورٹس کے مطابق شاہین شاہ آفریدی کے والد ایاز خان نے میڈیا کو بتایا کہ جلد ہی ان کے بیٹے کی منگنی اقصی آفریدی سے ہونے والی ہے ۔ اقصی جب تعلیم پوری کرلے گی ، اس کے بعد دونوں کا نکاح ہوگا ۔ پاکستانی جرنلسٹ احتشام الحق نے ٹویٹ کرکے جانکاری دی کہ شاہین شاہ آفریدی جلد ہی شاہد آفریدی کے داماد بننے والے ہیں ۔
Published by: Imtiyaz Saqibe
First published: Mar 07, 2021 07:27 PM IST