شعیب اختر نے 15 سال بعد بالی ووڈ کی اس اداکارہ کے ساتھ اپنے معاشقہ پر توڑی خاموشی ، کہی یہ بات

پاکستان کے سابق کرکٹر شعیب اختر نے بالی ووڈ اداکارہ سونالی بندرے کے ساتھ معاشقہ کو لے کر وضاحت پیش کی ہے ۔ انہوں نے کہا کہ سونالی کے ساتھ معاشقہ کو لے کر جو کچھ بھی کہا جارہا ہے ، وہ پوری طرح بکواس ہے ۔ شعیب اختر کے مطابق وہ کبھی بھی سونالی بندرے سے نہیں ملے ہیں ۔ شعیب نے یہ باتیں اپنے یوٹیوب چینل پر کہی ہیں ۔

دراصل  تقریبا 10-15 سال پہلے کہا جاتا تھا کہ شعیب اختر بالی ووڈ اداکارہ سونالی بندرے کے دیوانے تھے اور وہ ان کا اغوا بھی کرنا چاہتے تھے ۔ یہاں تک دعوی کیا گیا تھا کہ وہ سونالی بندرے کو اس قدر پسند کرنے لگے تھے کہ انہیں اغوا کرنے کیلئے بھی تیار تھے ۔ شعیب نے اب ان دعووں کو جھوٹا قرار دیا ہے ۔

شعیب اختر نے کہا کہ میں آج تک سونالی سے نہیں ملا ہوں ، وہ کافی خوبصورت ہیں ، لیکن میں ان کا فین کبھی نہیں رہا ، میں نے ان کی صرف ایک دو فلمیں ہی دیکھی ہیں ، لیکن جب انہوں نے کینسر کو مات دی تو میں ان کی ہمت کو دیکھ کر ان کا فین ہوگیا ۔

یہ بھی دعوی کیا جاتا ہے کہ شعیب اختر کے کمرے میں سونالی کے بہت سارے پوسٹرز تھے اور وہ سونالی کی تصویر اپنے پرس میں لے کر گھومتے تھے ، اب شعیب اختر نے ان چیزوں کو بکواس قرار دیا ہے ۔ انہوں نے کہا کہ میرے کمرے میں سونالی کا کوئی پوسٹر نہیں لگا تھا ، بلکہ میرے کمرے میں صرف عمران خان کا پوسٹر ہمیشہ لگا رہتا تھا ۔



خیال رہے کہ یکم جنوری 1975 کو مہاراشٹر میں پیدا ہوئی سونالی کیلئے فلم انڈسٹری پہلا کیریئر آپشن نہیں تھا ۔ وہ پہلے ائیر ہوسٹس بننا چاہتی تھیں ، لیکن دہرادون میں تعلیم کے دوران انہیں ماڈلنگ کا موقع ملا اور ایک ٹیلنٹ ہنٹ میں وہ اسپاٹ ہوگئیں ۔ اس کے بعد سونالی کی پہلی ہندی فلم گووندہ کے ساتھ آگ ( 1994 ) تھی ، حالانکہ فلم فلاپ رہی ، لیکن اس فلم کیلئے سونالی کو فلم فیئر بیسٹ ڈیبیو ایوارڈ ملا ۔