T20 world cup 2022: روہت شرما بنے کرس گیل کے بعد ایسا کرنے والے پہلے باز، یوراج سنگھ کا توڑا ریکارڈ

نئی دہلی : ہندوستانی کرکٹ ٹیم نے آئی سی سی ٹی ٹوینٹی ورلڈ کپ میں پاکستان کے خلاف شاندار جیت کے ساتھ شروعات کی تھی ۔ نیدرلینڈس کے خلاف میچ کو بھی ٹیم انڈیا اہم مان کر چلی تھی ۔ کپتان روہت شرما نے یہاں رن کی برسات کرتے ہوئے اپنے خراب فارم سے چھٹکارہ پالیا ۔ نصف سنچری کی اننگز کے دوران انہوں نے سابق ہندوستانی لیجنڈ بلے باز یوراج سنگھ کے بڑے ریکارڈ کو توڑ دیا ۔ ٹی ٹوینٹی ورلڈ کپ میں اب ان کے آگے صرف ویسٹ انڈیز کے سابق طوفانی بلے باز کرس گیل ہیں ۔

ہندوستان اور نیدرلینڈس کے درمیان ہونے والے میچ کو ٹیم انڈیا کے بلے بازوں کیلئے پریکٹس کے طور پر دیکھا جارہا تھا ۔ کے ایل راہل کو چھوڑ کر باقی تینوں بڑے بلے بازوں نے اس کا بھرپور فائدہ اٹھایا ۔ روہت شرما ، وراٹ کوہلی اور سوریہ کمار یادو نے شاندار نصف سنچری بنائی ۔ روہت نے بھی یہاں اچھی اننگز کھیلی اور فینس کی بڑی اننگز کی امید کو پورا کیا ۔

ٹی ٹوینٹی ورلڈ کپ میں روہت شرما اب ہندوستان کی طرف سے سب سے زیادہ چھکا لگانے والے بلے باز بن گئے ہیں ۔ انہوں نے نیدرلینڈس کے خلاف 53 رنز کی اننگز کے دوران تین چھکے لگائے ۔ ان چھکوں کے بدولت انہوں نے ٹی ٹوینٹی ورلڈ کپ میں چھکوں کی تعداد 34 رنز تک پہنچا دی ۔ اس دوران یوراج سنگھ کے ٹی ٹوینٹی ورلڈ کپ میں لگائے 33 چھکوں کے ریکارڈ کو بھی توڑ دیا ۔ ہندوستان کی طرف سے وراٹ کوہلی اس فہرست میں 26 چھکوں کے ساتھ تیسرے نمبر پر ہیں ۔

یہ بھی پڑھئے: سوریہ کمار یادو نے چھکے کے ساتھ بنائی نصف سنچری، محمد رضوان کو چھوڑا پیچھے

یہ بھی پڑھئے: ہندوستانی بلے بازوں کے بعد گیندبازوں کا کمال، نیدر لینڈس کو 56 رنز سے روندا

سب سے زیادہ ٹی ٹوینٹی ورلڈ کپ میں چھکوں کی بات کریں تو کرس گیل ٹاپ پر ہیں ۔ 33 میچ کھیل کر انہوں نے کل 63 چھکے لگائے ہیں ۔ دوسرے نمبر پر اب روہت ہیں، جن کے 35 میچز میں 34 چھکے ہیں ۔ یوراج سنگھ نے 31 میچ کھیلنے کے بعد کل 33 چھکے لگائے تھے ۔