ہندوستان اور پاکستان میچ کو لے کر سچن تیندولکر نے کی بڑی پیشین گوئی، بتائے چار سیمی فائنلسٹ

نئی دہلی : آئی سی سی ٹی ٹویٹی ورلڈ کپ 2022 میں ہندوستان اور پاکستان کے درمیان 23 اکتوبر کو میچ کھیلا جائے گا ۔ اس میچ کا انتظار صرف ہندوستان اور پاکستان کے فینس ہی نہیں بلکہ پوری دنیا کے کرکٹ فینس کررہے ہیں ۔ اس میچ سے پہلے ماسٹر بلاسٹر سچن تیندولکر نے بھی میچ کو لے کر اپنی بری پیشین گوئی کی ہے ۔ اس کے ساتھ ہی انہوں نے ٹی ٹوینٹی ورلڈکپ کے اپنے چار سیمی فائنلسٹ کے نام بھی بتائے ہیں ۔

سچن تیندولکر کے مطابق روہت شرما کی قیادت والی ہندوستانی ٹیم اپنے ٹورنامنٹ کے اپنے پہلے میچ میں بابر اعظم کی قیادت والی پاکستانی ٹیم کو ہرا دے گی ۔ ٹیلی گرام کو دئے ایک انٹرویو میں سچن تیندولکر نے کہا کہ ٹیم انڈیا کے پاس پاکستان کو ہرانے کی کافی صلاحیت ہے ۔ سچن نے کہا کہ ہندوستان فیوریٹ ہے۔ ہاں بالکل، میرا دل ہندوستان کے ساتھ ہے اور میں ہمیشہ ہندوستان کی جیت چاہتا ہوں ۔ صرف اس لئے نہیں کہ میں ایک ہندوستانی ہوں، مجھے سچ میں یقین ہے کہ ہمارے پاس ان حالات میں اچھی کارکردگی کرنے کی صلاحیت ہے ۔

 

یہ بھی پڑھئے: ہندوستان کی ٹیم ایشیا کپ 2023 کیلئے پاکستان جائے گی یا نہیں؟BCCI سکریٹری نے دیا بڑا اپ ڈیٹ

 

یہ بھی پڑھئے: کیا ہندوستان سے ڈر گئی پاکستانی ٹیم؟ آسٹریلیا کے خلاف وارم اپ میچ میں ملا ثبوت!

یہ پوچھے جانے پر کہ ان کے مطابق ٹی ٹوینٹی ورلڈ کپ جیتنے کا مضبوط دعویدار کون ہے؟ سچن نے پیشین گوئی کی کہ میں واضح طور چاہتا ہوں کہ ہندوستان چیمپئن بنے ، لیکن میرے ٹاپ چار ہندوستان ، پاکستان، آسٹریلیا اور انگلینڈ ہوں گے ۔ علاوہ ازیں انہوں نے کہا کہ جنوبی افریقہ کی طرح نیوزی لینڈ بھی ڈارک ہارس ہیں ۔ ستمبر ۔ اکتوبر میں جنوبی افریقہ کو گھر میں ان حالات کا سامنا کرنا پڑتا ہے ۔ وہ ایسے حالات کے عادی ہیں ۔

انہوں نے کہا کہ ہندوستان کے پاس بہت اچھا موقع ہے ۔ یہ ٹیم اچھی طرح سے متوازن ہے اور ہمارے پاس باہر جاکر اچھا پرفارم کرنے کا موقع ہے ۔ حقیقت میں میں اپنے مواقع کو لے کر کافی مطمئن ہوں ۔