உங்கள் மாவட்டத்தைத் தேர்வுசெய்க

    عمر اکمل ، حارث سہیل سمیت چار کرکٹروں کو PCB نے اچانک فٹنس کیلئے بلایا، جانئے کیوں

    عمر اکمل ، حارث سہیل سمیت چار کرکٹروں کو PCB نے اچانک فٹنس کیلئے بلایا، جانئے کیوں (AFP)

    عمر اکمل ، حارث سہیل سمیت چار کرکٹروں کو PCB نے اچانک فٹنس کیلئے بلایا، جانئے کیوں (AFP)

    رپورٹ کے مطابق ان کھلاڑیوں کو پہلے مقامی بورڈ نے فیزیکل اسسمنٹ کے لیے کہا تھا۔ اب لاہور کے گرم موسم میں فٹنس ٹیسٹ طلب کر لیا گیا ہے۔

    • Share this:
      نئی دہلی : پاکستان کرکٹ بورڈ (پی سی بی) نے اچانک عمر اکمل، حارث سہیل سمیت 4 کھلاڑیوں کو فٹنس ٹیسٹ کے لیے بلایا ہے۔ ان کرکٹرز میں وکٹ کیپر بلے باز عمر اکمل، صہیب مقصود، حارث سہیل اور شرجیل خان شامل ہیں۔ پی سی بی نے ان چاروں کرکٹرز سے کہا ہے کہ وہ 25 مئی (بدھ) کو ہونے والے فٹنس ٹیسٹ کے لیے رپورٹ کریں۔

      کرکٹ پاکستان کی ایک رپورٹ کے مطابق ان کھلاڑیوں کو پہلے مقامی بورڈ نے فیزیکل اسسمنٹ کے لیے کہا تھا۔ اب لاہور کے گرم موسم میں فٹنس ٹیسٹ طلب کر لیا گیا ہے۔ پاکستانی کھلاڑیوں کو ان کی دستیابی سے آگاہ کیے جانے کے بعد پی سی بی کی جانب سے فٹنس ٹیسٹ کے حوالے سے میسیج موصول ہوا ہے ۔

       

      یہ بھی پڑھئے: پاکستانی بلے باز فخر زماں نے اپنی 210 رنوں کی اننگ کا ڈالر سے کیوں کیا موازنہ؟


      فٹنس ٹیسٹ میں دیگر ایکسرسائز کے ساتھ 2 کلومیٹر کی دوڑ بھی شامل ہے، جو انہیں ساڑھے 7 منٹ میں مکمل کرنی ہوگی۔ یہ چاروں کھلاڑی فی الحال کنڈیشننگ کیمپ کا حصہ نہیں ہیں۔ عمر اکمل، مقصود، سہیل اور شرجیل پاکستان کی قومی ٹیم کا بھی حصہ نہیں ہیں۔

       

      یہ بھی پڑھئے: کیا 160 کلومیٹر کی رفتار سےگیند بازی کےلئےٹرک کھینچنے پڑتے ہیں؟ شعیب اختر نے بتایا فارمولہ


      عمر اکمل نے اپنے ملک کے لیے کل 121 ون ڈے کھیلے ہیں اور 3194 رنز بنائے ہیں۔ وہیں صہیب مقصود نے 29 ون ڈے میچوں میں 781 اور حارث سہیل نے 42 ون ڈے میچوں میں 1685 رنز بنائے ہیں۔ شرجیل خان کی بات کریں تو بائیں ہاتھ کے بلے باز نے پاکستان کے لیے 25 ون ڈے میچوں میں مجموعی طور پر 812 رنز بنائے ہیں۔ انہوں نے 6 نصف سنچریاں اور ایک سنچری بھی بنائی ہیں ۔

      ان چاروں کھلاڑیوں کے فٹنس ٹیسٹ کے لیے بلائے جانے کے بعد ان کی قومی ٹیم میں واپسی کا امکان ظاہر کیا جا رہا ہے ۔
      Published by:Imtiyaz Saqibe
      First published: