ہوم » نیوز » اسپورٹس

نیوزی لینڈ کے ہاتھوں سیریز گنوانے کے بعد وراٹ کوہلی کا بڑا بیان ، اس کام کیلئے بلے بازوں کی تعریف کی

وراٹ کوہلی نے میچ کے بعد کہا کہ ہماری جس طرح شروعات ہوئی اور آخر میں ٹیم نے جس طرح مقابلے کو ختم کیا ، اس سے میں بہت متاثر ہوں ۔

  • UNI
  • Last Updated: Feb 08, 2020 10:58 PM IST
  • Share this:
نیوزی لینڈ کے ہاتھوں سیریز گنوانے کے بعد وراٹ کوہلی کا بڑا بیان ، اس کام کیلئے بلے بازوں کی تعریف کی
نیوزی لینڈ کے ہاتھوں سیریز گنوانے کے بعد وراٹ کوہلی کا بڑا بیان ، اس کام کیلئے بلے بازوں کی تعریف کی ۔ تصویر : اے پی ۔

نیوزی لینڈ کے ہاتھوں دوسرے ون ڈے میچ میں 22 رنز سے شکست کے بعد باوجود ہندوستانی کپتان وراٹ کوہلی نے بلے بازوں کی تعریف کرتے ہوئے آج کہا کہ ابتدائی جھٹکوں کے بعد بھی ہم نے کھیل کو بہتر کیا ہے۔ ہندوستان کو نیوزی لینڈ کے ہاتھوں دوسرے ون ڈے میچ میں 22 رنز سے شکست ملی اور اس ہار کے ساتھ ہی وہ تین میچوں کی سیریز میں دو۔ صفر سے پیچھے ہوگئی ۔ نیوزی لینڈ کے کائل جیمسن کو مین آف دی میچ منتخب کیا گیا ۔


وراٹ کوہلی نے میچ کے بعد کہا کہ ہماری جس طرح شروعات ہوئی اور آخر میں ٹیم نے جس طرح مقابلے کو ختم کیا ، اس سے میں بہت متاثر ہوں ۔ ایک وقت ہمارے 197 رن پر آٹھ وکٹ گر گئے تھے اور وہاں سے ہم 250 رن تک کا اسکور کرنے میں کامیاب رہے۔ پہلے ہاف میں ہماری بلے بازی اچھی نہیں رہی ، لیکن دوسرے ہاف میں ہم نے مضبوطی سے بلے بازی کی ۔ مشکل حالات میں نوديپ سینی ، رویندر جڈیجہ اور شريس ایئر نے بہترین کھیل کا مظاہرہ کیا۔


کپتان نے کہا کہ ٹیسٹ اور ٹی  20 کے مقابلے میں اس سال ون ڈے میں ہماری کارکردگی کچھ خاص نہیں رہی ، لیکن اس دوران ہمیں دباؤ میں کھیلنے والے کھلاڑیوں کی شناخت ہوئی ، جو ٹیم کے لئے مثبت پہلو ہے ۔ ہم آخری میچ میں ٹیم میں تبدیلی کریں گے کیونکہ اب سیریز میں ہمارے پاس کھونے کے لئے کچھ نہیں ہے۔




انہوں نے کہا کہ ہم نے اچھے کھیل کا مظاہرہ کیا اور نتائج کے بارے میں نہیں سوچا ۔ ہمیں آج سے پہلے نہیں پتہ تھا کہ سینی بلے بازی میں کس طرح کی کارکردگی کا مظاہرہ کر سکتے ہیں اور اگر نچلی صف میں اچھی کارکردگی ہوگی تو اس سے مڈل آرڈر اور ٹاپ آرڈر کو تحریک ملے گی اور ان پر دباؤ کم ہو جائے گا۔
First published: Feb 08, 2020 10:58 PM IST