وراٹ کوہلی نے کپتان بننے کیلئے دھونی تک سے لے لیا تھا پنگا، روی شاستری کا ایک کال اور پھر ہوا ایسا

نئی دہلی: وراٹ کوہلی بہترین فارم میں واپس آگئے ہیں۔ سری لنکا کے خلاف پہلے ون ڈے میں (IND بمقابلہ SL)، انہوں نے 113 رنز کی جارحانہ اننگز کھیلی۔ یہ ان کی 45ویں ون ڈے سنچری ہے۔ اب وہ سچن تیندولکر کے سب سے زیادہ 49 ون ڈے سنچریوں کے ریکارڈ سے صرف 4 قدم دور ہیں۔ سری لنکا کے خلاف دوسرا ون ڈے آج کولکاتہ میں کھیلا جائے گا۔ ایسے میں سبھی کو امید ہے کہ کوہلی ایک بار پھر بڑی اننگز کھیلنے میں کامیاب ہوں گے۔ اس دوران ٹیم انڈیا کے سابق فیلڈنگ کوچ آر شریدھر (R Sridhar) نے اپنی کتاب 'کوچنگ بیونڈ' میں کوہلی اور ایم ایس دھونی کے تعلقات کو لے کر بڑا انکشاف کیا ہے۔ شریدھر نے لکھا ہے کہ ٹیسٹ کپتانی ملنے کے بعد کوہلی ون ڈے اور ٹی ٹوئنٹی ٹیم کی کپتانی کے لیے بہت بے چین تھے اور انہوں نے سابق کپتان دھونی کو نظر انداز کرنا شروع کر دیا تھا۔

آر شریدھر نے اپنی کتاب میں لکھا، 2016 میں ایک وقت ایسا آیا، جب وراٹ کوہلی ٹیسٹ کے علاوہ وائٹ بال ٹیم کا کپتان بننے کے لیے بہت بے تاب تھے۔ ان کی بہت سی باتوں سے لگ رہا تھا کہ وہ اس فارمیٹ کی بھی کپتانی چاہتے ہیں۔ اس کے بعد ٹیم ڈائریکٹر روی شاستری نے انہیں فون کیا اور سمجھایا۔ معلوم ہو ہے کہ گزشتہ سال جنوبی افریقہ کے خلاف ٹیسٹ سیریز میں ہار کے بعد کوہلی نے ٹیسٹ ٹیم کی کپتانی چھوڑ دی تھی۔ 2021 میں ٹی ٹوئنٹی ورلڈ کپ کے بعد انہوں نے ٹی ٹوئنٹی کی کپتانی سے استعفیٰ دے دیا تھا جبکہ بعد میں بورڈ نے ان سے ون ڈے ٹیم کی کپتانی واپس لے لی تھی۔

33 چوکے، 9 چھکے، 8سال پہلے ہندوستان۔سری لنکا میچ میں بدل گیا تھی ونڈ ے کی تاریخ

ایڈن گارڈنس میں سچن کا ریکارڈ توڑ سکتے ہیں وراٹ کوہلی، جانیے کتنے  بنانے ہوں گے رن

عزت کرو تبھی عزت ملے گی۔
روی شاستری نے وراٹ کوہلی سے کہا کہ آپ کو ٹیسٹ ٹیم کی کپتانی مل گئی ہے۔ ابھی دھونی وائٹ بال ٹیم کے کپتان بنے ہوئے ہیں اور آپ کو ان کا احترام کرنا چاہیے۔ دھونی آپ کو صحیح وقت پر وائٹ گیند والی ٹیم کی کپتانی بھی دے دیں گے۔ اگر آپ ان کی عزت کریں گے تو جب آپ کپتان بنیں گے تو کوئی آپ کی بھی کوئی عزت نہیں کرے گا۔ آپ کو کپتانی کے پیچھے نہیں بھاگنا چاہئے، کپتانی ایک دن ضرور آپ کو ملے گی۔ سریدھر نے بتایا کہ کوہلی نے شاستری کی بات مان لی اور بعد میں کوہلی کو وائٹ بال ٹیم کی کپتانی مل گئی۔

حال ہی میں وراٹ کوہلی نے ایم ایس دھونی کی بات کو یاد کرتے ہوئے کہا تھا کہ جب انہوں نے ٹیسٹ ٹیم کی کپتانی چھوڑی تھی تب صرف دھونی نے انہیں میسج کیا تھا۔ میرا نمبر بہت سے لوگوں کے پاس ہے اور بہت سے لوگ مجھے ٹی وی پر مشورے بھی دیتے رہتے ہیں لیکن اس دوران مجھے کسی کا میسج نہیں ملا۔ معلوم ہو ہے کہ کپتانی چھوڑنے کے بعد کوہلی نے حال ہی میں آسٹریلیا میں منعقدہ ٹی ٹوئنٹی ورلڈ کپ میں بلے سے زبردست کارکردگی کا مظاہرہ کیا تھا اور سب سے زیادہ رنز بنائے تھے۔ حالانکہ ٹیم انڈیا کی کارکردگی امید کے مطابق نہیں رہی تھی۔