شعیب اختر نے سنایا سچن تیندولکر کو پہلی گیند پر آوٹ کرنے کا قصہ، بتایا پھر اس کے بعد کیا ہوا، دیکھئے ویڈیو

نئی دہلی : جب بھی ہندوستان اور پاکستان میچوں کے قصوں کی بات آتی ہے تو غیر ملکی کھلاڑی بھی اس کو بہت دلچسپی سے سننا چاہتے ہیں ۔ پاکستان کے تیز گیند باز شعیب اختر اور ہندوستان کے لیجنڈ بلے باز سچن تیندولکر کے درمیان سخت مقابلہ ہوا کرتا تھا ۔ 1999 ایشین ٹیسٹ چیمپئن شپ میں ایڈن گارڈنز میں میچ کے دوران شعیب اختر نے ہندوستان کے چار وکٹ جھٹکے تھے ۔ اس میچ میں شعیب اختر نے سچن تیندولکر کو پہلی ہی گیند پر آوٹ کردیا تھا ۔ اس کا قصہ انہوں نے مائیکل وان کے ساتھ شیئر کیا ۔

ٹیلی گراف اسپورٹس پر مائیکل وان کے ساتھ ایک انٹرویو کے دوران شعیب اختر نے کہا کہ سچن کے دنیا کے ایک سب سے اچھے ، سب سے عظیم شخص ہونے کے ناطے میں ان کے پاس گیا تھا ۔ انہیں دیکھا اور کہا کہ آپ کے پاس میرے خلاف کوئی موقع نہیں ہے، میں نے اس میچ میں سچن کو پہلی ہی گیند پر آوٹ کردیا تھا ۔ کرکٹ کی تاریخ میں ایسا مرتبہ ہوا تھا ۔

Brilliant story from @shoaib100mph about bowling @sachin_rt first ball … !! #Paksitan #India @TelegraphSport pic.twitter.com/EJpg8Tplez

— Michael Vaughan (@MichaelVaughan) December 7, 2022

شعیب اختر نے مزید کہا کہ میری وجہ سے وہ پہلی گیند پر آوٹ ہوگئے تھے ۔ میری وجہ سے پہلی مرتبہ 70 ہزار سے 80 ہزار لوگ اسٹیڈیم سے باہر جانا چاہتے تھے، پہلی مرتبہ میچ میں تاخیر ہوئی تھی ، میچ تقریبا دو گھنٹے بعد شروع ہوا تھا ۔ تاریخ میں پہلی مرتبہ تقریبا ایک لاکھ لوگ میچ دیکھنے آئے تھے اور اس کے بعد وہاں پر کوئی نہیں تھا۔

یہ بھی پڑھئے: شاہین شاہ آفریدی کیلئے T20 ورلڈ کپ کا فائنل میچ بنا ڈراونا خواب، کہہ ڈالی اتنی بڑی بات

یہ بھی پڑھئے: 145 سال .... 2477 میچ کے بعد ہوا ایسا، انگلینڈ ۔ پاکستان راولپنڈی ٹیسٹ میں بدلی تاریخ

بتادیں کہ شعیب اختر کیلئے یہ وکٹ انتہائی خاص تھی، کیونکہ انہوں نے ایک عظیم بلے باز کو صفر پر آوٹ کیا تھا ۔ انہوں نے اس میچ میں سچن کے علاوہ وی وی ایس لکشمن، راہل دراوڑ اور وینکٹیش پرساد کا بھی وکٹ بھی لیا تھا ۔ ہندوستان یہ میچ 46 رنز سے ہار گیا تھا ۔