اپنا ضلع منتخب کریں۔

    10 سال کی عمر میں ماں کو کھویا، World Cup کے اپنے پہلے میچ میں پاکستان کے خلاف کیا دھماکہ

    Womens world cup 2022: پوجا وستراکر نے اپنے پہلے ون ڈے ورلڈ کپ میں شاندار آغاز کیا ہے ۔ انہوں نے نصف سنچری بناکر پاکستان کے خلاف ہندوستانی ٹیم کو اچھی پوزیشن تک پہنچا دیا ۔

    Womens world cup 2022: پوجا وستراکر نے اپنے پہلے ون ڈے ورلڈ کپ میں شاندار آغاز کیا ہے ۔ انہوں نے نصف سنچری بناکر پاکستان کے خلاف ہندوستانی ٹیم کو اچھی پوزیشن تک پہنچا دیا ۔

    Womens world cup 2022: پوجا وستراکر نے اپنے پہلے ون ڈے ورلڈ کپ میں شاندار آغاز کیا ہے ۔ انہوں نے نصف سنچری بناکر پاکستان کے خلاف ہندوستانی ٹیم کو اچھی پوزیشن تک پہنچا دیا ۔

    • Share this:
      میلبورن : پوجا وستراکر (Pooja Vastrakar) نے اپنے پہلے ون ڈے ورلڈ کپ میں شاندار آغاز کیا ہے ۔ انہوں نے نصف سنچری بناکر پاکستان کے خلاف ہندوستانی ٹیم  (India vs Pakistan)  کو اچھی پوزیشن تک پہنچا دیا ۔ ایک وقت پر ٹیم 114 رن پر چھ وکٹ گنوا کر جدوجہد کررہی تھی ۔ اس کے بعد 22 سال کی پوجا نے شاندار بلے بازی کرکے ٹیم کو 200 رن تک پہنچایا ۔ یہ دونوں ہی ٹیموں کا موجودہ ورلڈ کپ (Womens world cup 2022) کا پہلا میچ ہے ۔ حالانکہ پاکستان کی خواتین ٹیم ون ڈے ورلڈ کپ کی تاریخ میں کبھی بھی ہندوستانی ٹیم کو ہرا نہیں سکی ہے ۔ کپتان متالی راج کا یہ چھٹا ورلڈ کپ ہے ۔ ہندوستانی ٹیم نے پہلے کھیلتے ہوئے سات وکٹ پر 244 رن بنائے ہیں ۔

      پوجا وستراکر جب بلے بازی کرنے کیلئے اتریں تو اس وقت ٹیم انڈیا کی صورتحال خراب تھی ۔ ٹیم نے 114 کے رن پر چھ بڑے وکٹ گنوا دئے تھے ۔ سلامی بلے باز اسمرتی مندھانا نے 52 اور دیپتی شرما نے 40 رن بنائے ۔ اس کے علاوہ کوئی کچھ خاص نہیں کرسکا ۔ پھر پوجا اور اسنیہا نے ساتویں وکٹ کیلئے 122 رن کی شراکت داری کرکے ٹیم کو سنبھالا ۔ پوجا نے 48 گینوں پر نصف سنچری پوری کی ۔ انہوں نے چھ چوکے لگائے ۔ یہ ان کے ون ڈے کریئر کی دوسری نصف سنچری ہے ۔ یہ ان کا صرف 14 واں ہی ون ڈے میچ ہے ۔

       

      یہ بھی پڑھئے : میچ سے پہلے ٹوائلیٹ میں پھنس گئی آسٹریلیا کی یہ مشہور کرکٹر، سنائی آب بیتی


      حالانکہ انہیں یہاں تک پہنچنے کیلئے کافی جدوجہد کرنی پڑی ۔ مدھیہ پردیش کے شہڈول کی رہنے والی پوجا نے دس سال کی عمر میں ماں کو کھودیا تھا ۔ وہ 59 گیندوں پر 67 رن بناکر آوٹ ہوئیں ۔ اس کے علاوہ اسنیہا نے بھی 48 گیندوں میں 53 رن بنائے ۔

       

      یہ بھی پڑھئے : ہندوستان ۔ پاکستان میچ سے ایک دن قبل دونوں ٹیموں کے کپتانوں کی ہوئی ملاقات، جانئے پھر کیا ہوا


      سال 2016 میں پوجا فیلڈنگ کے دوران زخمی ہوگئی تھیں ، جس کی وجہ سے وہ 2017 میں ہوئے ون ڈے ورلڈ کپ کیلئے میدان پر نہیں اتر سکی تھیں ۔ 2018 میں انہیں پہلی مرتبہ جنوبی افریقہ کے خلاف ہندوستانی ٹیم میں جگہ ملی ۔ لیکن پھر چوٹ نے ان کا پیچھا نہیں چھوڑا ۔ ٹی ٹوینٹی ورلڈ کپ کے پریکٹس میچ کے دوران ان کے گھٹنے میں چوٹ لگی اور وہ ورلڈ کپ سے باہر ہوگئیں ۔

       

      اس کے بعد بھی پوجا نے ہار نہیں مانی ۔ ان کے دونوں گھٹنوں کا آپریشن ہوا اور این سی اے میں ریہیب کیا ۔ پھر 2019 میں واپسی کی ۔ تیز گیند باز پوجا واستراکر نے اس میچ سے پہلے ون ڈے کی بارہ اننگز میں چھ وکٹ لئے ہیں ۔ 46 رن دے کر تین وکٹ ان کی بہترین کارکردگی ہے ۔
      Published by:Imtiyaz Saqibe
      First published: