ورلڈ ٹیسٹ چیمپئن شپ فائنل سے پہلے آئی سی سی نے دیا ٹیم انڈیا کو جھٹکا! گیند سے ہوگیا 'کھیل'، دو سال پہلے بھی ہوا تھا ایسا

نئی دہلی : ٹیم انڈیا ورلڈ ٹیسٹ چیمپئن شپ کی تیاریوں میں مصروف ہے۔ فائنل 7 جون سے انگلینڈ میں ہندوستان اور آسٹریلیا کے درمیان کھیلا جانا ہے۔ کپتان روہت شرما 2013 کے بعد ہندوستانی ٹیم کو پہلی آئی سی سی ٹرافی دلانا چاہیں گے۔ ادھر فائنل میں استعمال ہونے والی گیند کے حوالے سے بڑی خبریں سامنے آ رہی ہیں۔ ہندوستان میں ٹیسٹ میچ ایس جی بال سے کھیلے جاتے ہیں جبکہ آسٹریلیا میں کوکابورا استعمال کیا جاتا ہے، لیکن فائنل ڈیوک بال سے ہوگا۔ کرکٹ کے عالمی ادارے آئی سی سی نے اس کی وجہ بھی بتا دی ہے۔ خیا رہے کہ فائنل کیلئے دونوں ٹیموں کا اعلان کیا جاچکا ہے۔

نیوز 18 کرکٹ نیکسٹ کی خبر کے مطابق فائنل میچ انگلینڈ میں ہونا ہے۔ ایسے میں میزبان ملک کے مطابق میچ میں گیند کا استعمال کیا جائے گا۔ انگلینڈ میں ٹیسٹ میچ ڈیوک گیند سے کھیلے جاتے ہیں۔ آئی سی سی ذرائع نے بتایا کہ آئی سی سی میچ میں میزبان ملک کی پسند کی گیند استعمال کرتا ہے۔ اس لئے ڈبلیو ٹی سی فائنل میں صرف ڈیوک بال استعمال کی جائے گی۔

اس سے پہلے 2021 میں بھی ورلڈ ٹیسٹ چیمپئن شپ کے پہلے سیزن کا فائنل انگلینڈ میں کھیلا گیا تھا اور اس وقت بھی ڈیوک بال کا ہی استعمال کیا گیا تھا۔ حال ہی میں ہندوستانی کپتان روہت شرما نے ڈیوک بال سے تیاری کے حوالے سے بڑی بات کہی تھی۔ انہوں نے بتایا تھا کہ ہم سبھی تیز گیند بازوں کو ڈیوک بال بھیج رہے ہیں تاکہ وہ اس کے ساتھ بھی پریکٹس کر سکیں۔

روہت شرما نے کہا تھا کہ 21 مئی تک آئی پی ایل 2023 کے پلے آف کیلئے 4 ٹیموں کا فیصلہ ہوجائے گا۔ ایسے میں جو کھلاڑی فارغ ہوں گے، انہیں پہلے انگلینڈ بھیجا جائے گا، تاکہ وہ وہاں خود کو اس کے مطابق تیار کر سکیں۔ ٹیسٹ کیلئے منتخب ٹیم کے بارے میں بات کریں تو چیتشور پجارا ابھی انگلینڈ میں ہیں اور کاؤنٹی کرکٹ کھیل رہے ہیں۔

یہ بھی پڑھئے: سوریہ کمار کیلئے پھر خطرہ بن رہے ہیں محمد رضوان، ٹی ٹوینٹی ریکنگ میں لگائی لمبی چھلانگ

یہ بھی پڑھئے: نسیم شاہ نے آخرکار اداکارہ اروشی روتیلا پر توڑی خاموشی، پاکستانی تیز گیند باز نے کہا: میں پیار تو....

ڈبلیو ٹی سی فائنل کیلئے دو ٹیمیں اس طرح ہیں :۔

ہندوستان: روہت شرما (کپتان)، وراٹ کوہلی، اجنکیا رہانے، کے ایل راہل، شبھمن گل، چیتشور پجارا، کے ایس بھرت (وکٹ کیپر)، آر اشون، رویندر جڈیجہ، اکشر پٹیل، شاردل ٹھاکر، جے دیو انادکٹ، محمد سمیع ، محمد سراج، امیش یادو۔

آسٹریلیا: پیٹ کمنز (کپتان)، اسٹیو اسمتھ (نائب کپتان)، اسکاٹ بولینڈ، مارنس لیبوشین، ناتھن لاین، مچل مارش، ٹاڈ مرفی، ایلیکس کیری، کیمرون گرین، مارک ہیرس، جوش ہیزل ووڈ، ٹریوس ہیڈ، جوس انگلش، عثمان خواجہ، ڈیوڈ وارنر، میتھیو رینشا، مچیل اسٹارک۔