ہوم » نیوز » اسپورٹس

ہاکی لیجنڈ بلبیر سنگھ کا 95 سال کی عمرمیں انتقال، ملک کو اولمپک میں دلائے تھے تین گولڈ

تین بار کے اولمپک طلائی تمغہ یافتہ ہندوستان کے لیجنڈ ہاکی کھلاڑی بلبیر سنگھ کا طویل علالت کے بعد پیر کو انتقال ہو گیا،وہ 95 سال کے تھے۔

  • Share this:
ہاکی لیجنڈ بلبیر سنگھ کا 95 سال کی عمرمیں انتقال، ملک کو اولمپک میں دلائے تھے تین گولڈ
ہاکی لیجنڈ بلبیر سنگھ کا 95سالی کی عمرمیں انتقال

موہالی: تین بار کے اولمپک طلائی تمغہ یافتہ ہندوستان کے لیجنڈ ہاکی کھلاڑی بلبیر سنگھ (Balbir Singh) کا طویل علالت کے بعد پیر کو انتقال ہو گیا،وہ 95 سال کے تھے۔ بلبیر کو گزشتہ 12 مئی کو دل کا دورہ پڑنے کے بعد اسپتال میں داخل کرایا گیا تھا۔ اسپتال میں علاج کے دوران بھی انہیں دو بار دل کا دورہ پڑا اور ان کی طبیعت بگڑتی چلی گئی۔


بلبیر سنگھ (Balbir Singh) کے پوتے کبیر نے بیان جاری کرکے بتایا کہ ان کے دادا بلبیرسنگھ کا صبح طویل بیماری کے بعد انتقال ہو گیا۔ بلبیر نے 1948 لندن اولمپکس، 1952 ہیلسنکی اور 1956 ملبورن میں ہندوستان کو طلائی تمغہ دلانے میں اہم رول ادا کیا تھا۔ ملبورن میں ان کی قیادت میں ہی ٹیم نے گولڈ حاصل کیا تھا۔ اس کے علاوہ وہ 1958 ٹوکیو ایشیائی کھیلوں میں چاندی کا تمغہ جیتنے والی ٹیم کا بھی حصہ رہے تھے۔ بلبیر نے 61 بین الاقوامی میچوں میں 246 گول کئے۔


بلبیر سنگھ کو 8 مئی کو اسپتال میں داخل کرایا گیا تھا۔

بلبیر سنگھ کو 8 مئی کو اسپتال میں داخل کرایا گیا تھا۔


8 مئی سے اسپتال میں تھے بھرتی

بلبیر سنگھ سینئر (Balbir Singh Sr.) کو 8 مئی کو اسپتال میں داخل کرایا گیا تھا۔ وہ 18 مئی سے  نیم شعوری حالت میں تھے اور دماغ میں خوف کا لوتھڑا جم گیا تھا۔ انہیں پھپھڑوں میں نمونیا اور تیز بخار کے بعد اسپتال میں داخل کرایا گیا تھا۔ موہالی کے فورٹیس کے ڈائریکٹر ابھجیت سنگھ نے ان کی موت کی تصدیق کی۔ 95 سال کے بلبیر سنگھ سینئر کو گزشتہ سال بھی سانس سے متعلق تکلیف کی وجہ سے کئی ہفتے چنڈی گڑھ کے پی جی آئی ایم ای آر میں گزارنے پڑے تھے۔
First published: May 25, 2020 01:47 PM IST
corona virus btn
corona virus btn
Loading