Choose Municipal Ward
    CLICK HERE FOR DETAILED RESULTS
    ہوم » نیوز » اسپورٹس

    آئی سی سی نے اس ملک کے کرکٹ بورڈ کوکردیا معطل، 6 ماہ بعد انڈیا سے ہونی تھی ٹی - 20 سیریز

    آئی سی سی کے اس فیصلے کے بعد زمبابوے کرکٹ کوآئی سی سی سے کسی طرح کا پیسہ نہیں ملے گا، ساتھ ہی زمبابوے کی ٹیم کسی آئی سی سی مقابلے میں بھی نہیں کھیل پائے گی۔

    • Share this:
    آئی سی سی نے اس ملک کے کرکٹ بورڈ کوکردیا معطل، 6 ماہ بعد انڈیا سے ہونی تھی ٹی - 20 سیریز
    آئی سی سی اہلکار نے کہا کہ ہندوستان کو 2021 میں آئی سی سی ٹی 20 ورلڈ کپ اور 2023 میں ون ڈے ورلڈ کپ کی میزبانی کرنی ہے۔

    زمبابوے کرکٹ کو انٹرنیشنل کرکٹ کونسل (آئی سی سی) نے فوری اثرسے معطل کردیا ہے۔ لندن میں آئی سی سی کی سالانہ کانفرنس میں یہ فیصلہ لیا گیا۔ میٹنگ کے بعد جمعرات کو آئی سی سی نے زمبابوے کرکٹ کومعطل کرنے کا بیان جاری کردیا۔ آئی سی سی نے اتفاق رائے سے یہ فیصلہ لیا اورکہا کہ زمبابوے کرکٹ جمہوری طریقے سے منصفانہ الیکشن کرانے کا ماحول تیارکرنے اورکرکٹ انتظامیہ میں حکومت کی مداخلت کو دوررکھنے میں ناکام رہا ہے۔


    آئی سی سی نے یہ فیصلہ زمبابوے حکومت کے ذریعہ وہاں کے کرکٹ بورڈ کو معطل کئے جانے کے بعد لیا ہے۔ جس وقت آئی سی سی نے یہ فیصلہ لیا، اس وقت زمبابوے کی آئرلینڈ کے ساتھ ونڈے سیریز چل رہی ہے۔ آئی سی سی کے چیئرمین ششانک منوہرنے کہا 'کسی رکن کو معطل کرنے کا فیصلہ ہم ہلکے میں نہیں لیتے، لیکن ہمیں کھیل کو سیاسی مداخلت سے دوررکھنا ہی ہوگا۔ زمبابوے میں جو کچھ بھی ہوا، وہ آئی سی سی کے آئین کی سنگین خلاف ورزی ہے اورہم اسے نظراندازنہیں کرسکتے۔ آئی سی سی چاہتا ہے کہ زمبابوے میں آئی سی سی کے آئین کے مطابق کرکٹ جاری رہے'۔


    آئی سی سی کے اس فیصلے کے بعد زمبابوے کرکٹ کوآئی سی سی سے کسی طرح کا پیسہ نہیں ملے گا۔ ساتھ ہی زمبابوے کی ٹیم کسی آئی سی سی مقابلے میں بھی نہیں کھیل پائے گی۔ ایسے میں زمبابوے کا آئندہ سال مردوں کے ٹی -20 عالمی کپ کے کوالیفائرمیں شامل ہونے کا امکان بھی کمزورپڑگئی ہے۔ زمبابوے کو آئندہ سال جنوری میں انڈیا سے تین میچوں کی ٹی -20 سیریز بھی کھیلنی تھی، لیکن زمبابوے کرکٹ کے معطل ہونے سے اس کی آئندہ دوفریقی سیریز بھی خطرے میں پڑگئی ہے۔


    گزشتہ کچھ سالوں میں زمبابوے میں کرکٹ کی سطح میں کافی گراوٹ آئی ہے۔ اس سے ٹسٹ ٹیم کا درجہ چھینے جانے کا بھی مطالبہ کیا جارہا ہے۔ طویل وقت سے بین الاقوامی کرکٹ میں زمبابوے کا کھیل کافی خراب رہا ہے۔ آئی سی سی نے یہ فیصلہ زمبابوے حکومت کے ذریعہ وہاں کے کرکٹ بورڈ کو معطل کئے جانے کے بعد لیا ہے، جس وقت آئی سی سی نے یہ فیصلہ کیا کہ اس وقت زمبابوے کی آئرلینڈ کے ساتھ ونڈے سیریز چل رہی ہے۔
    First published: Jul 18, 2019 11:48 PM IST
    corona virus btn
    corona virus btn
    Loading