உங்கள் மாவட்டத்தைத் தேர்வுசெய்க

    روہت شرما- وراٹ کوہلی کے طوفان میں اڑگیا ویسٹ انڈیز، ٹیم انڈیا کی 8 وکٹوں سے آسان جیت

    روہت شرما نے ویسٹ انڈیز کے خلاف طوفانی اننگ کھیل کر ٹیم انڈیا کو جیت دلادی۔

    روہت شرما نے ویسٹ انڈیز کے خلاف طوفانی اننگ کھیل کر ٹیم انڈیا کو جیت دلادی۔

    گوہاٹی میں کپتان وراٹ کوہلی اورروہت شرما کی بہترین سنچریوں کی بدولت ٹیم انڈیا کوآسان جیت ملی۔ کوہلی کو 'مین آف دی میچ' منتخب کیا گیا۔

    • Share this:
      ٹیم انڈیا نے پانچ ونڈے میچوں کی سیریزمیں پہلے میچ  میں وراٹ کوہلی اور روہت شرما کی طوفانی اننگ کی بدولت ویسٹ انڈیز کو 8 وکٹوں سے شکست دے دی ہے۔ ٹیم انڈیا کے بلے بازوں نے دو وکٹ کے نقصان پر42.1 اوورمیں ہی 326 رن بنالئے اورآسان جیت اپنے نام کرلیا۔ روہت شرما اورکوہلی کے درمیان 246 رنوں کی شراکت ہوئی۔ ہدف کا تعاقب کرتے ہوئے ٹیم انڈیا کی طرف سے یہ سب سے بڑی شراکت ہے۔ مین آف دی میچ کا اعزاز وراٹ کوہلی کو ملا۔

      روہت شرما 152 رن بناکر ناٹ آوٹ رہے جبکہ امباتی رائیڈو نے 26 گیندوں پر 22 رن بناکرناٹ آوٹ رہے۔ اس سے قبل وراٹ کوہلی نے جارحانہ بلے بازی کرتے ہوئے 140 رن بناکردوسرے وکٹ کے طورپرآوٹ ہوئے۔ لیکن آوٹ ہونے سے قبل انہوں نے روہت شرما کے ساتھ مل کر ٹیم انڈیا کو جیت کے آسان راستے پرپہنچا دیا تھا۔  ویسٹ انڈیز کی طرف سے اوتھامس اورڈی بشو کوایک وکٹ ملا۔

      روہت شرما نے ونڈے میں 20 ویں سنچری لگائی۔ انہوں نے 117 گیندوں پر 152 رن بنائے، جس میں 15 چوکے اور8 چھکے شامل ہیں۔ وہیں وراٹ کوہلی نے اپنی بہترین 140 رنوں کی اننگ کے لئے 107 گیندوں کا سامنا کیا۔ انہوں نے 140 رنوں کی اننگ کے دوران ایک چھکے کے علاوہ 21 چوکے لگا دیئے۔

      اس سے قبل ویسٹ انڈیز کی جانب سے شیمران ہیٹ مائر کی شانداری سنچری کی بدولت  ویسٹ انڈیز نے ٹیم انڈیا کو323 رنوں کا ہدف دیا ہے۔ برسپارا کرکٹ اسٹیڈیم میں کھیلے گئے  جارہے میچ میں ٹاس ہارکربلے بازی کرنے اتری ویسٹ انڈیزکی ٹیم نے مقررہ 50 اوورمیں 8 وکٹ کے نقصان پر322 رن بنانے میں کامیاب ہوگئی تھی، لیکن ٹیم انڈیا کے بلے بازوں نے اس کی تمام محنت پرپانی پھیردیا۔

      یہ بھی پڑھیں:     آئی سی سی کی نئی ٹسٹ رینکنگ: ہندوستان کی پہلی پوزیشن برقرار، پاکستان کےمحمدعباس نے کردیا زبردست کمال

       

      یہ بھی پڑھیں:     اس بلے باز کے طوفان میں اڑگئے ٹیم انڈیا کے گیند باز، 6 چھکوں کی مدد سے ٹھوک دی سنچری

       

       

      یہ بھی پڑھیں:   ٹی -20 سیریز میں اگرآسٹریلیا نے پاکستان کو ہرایا تو ٹیم انڈیا کو ہوگا بڑا نقصان

      یہ بھی پڑھیں:    ہربھجن سنگھ نے کیا دعوی ، یہ کھلاڑی بن سکتا ہے ٹیم انڈیا کا نمبر ون گیند باز

       

       
      First published: